“Ky nuk do të jetë grumbullimi i vetëm i kombëtares sonë, – ka deklaruar trajneri i Kombëtares së femrave, Hasan Gurabardhi. – Pas dy javësh do të kemi një tjetër, atje ku do të bëhen matjet e kërkuara nga loja e volejbollit, si dhe analizat mjekësore, të cilat do të zhvillohen në laboratorin mjekësor të Universitetit të Sporteve.”

“Dhe si të tilla ne do t’i mbajmë dy ditë lojtaret, – ka vijuar ai. – Kanë munguar për arsye dëmtimi Thaka dhe Vokrri, madje kjo e fundit ka shkuar në Itali sepse dyshohet për hernie di skale. Po kështu nuk ka ardhur për arsye e veta dhe për pamundësi të tjera Bego e Skënderbeut.”

“Më duhet të them që është parashikuar vajtja në maj në turneun ndërkombëtar të Barit, atje ku do të marrim pjesë si përfaqësuese, – ka theksuar trajneri veteran. – Është një grup shumë i mirë lojtaresh, të cilat sezonin e ardhshëm në eliminatoret e Evropianit do të dinë të bëjnë mrekullinë.”

“Si stërvitje jam i kënaqur, sepse të gjitha lojtaret kanë treguar nivel”, ka përfunduar Gurabardhi, ndërsa kështu ka përfunduar seleksionimi i parë i kombëtares së volejbollit të femrave.

Lista e lojtarëve të grumbulluara në kombëtare

Organizatore:

Fabiola Harxhi (Barleti Volej)

Ana Gjelaj (Vllaznia)

Çezarina Xheka (Partizani)

Ornela Gashi (Teuta)

Sulmuese 4:

Enkelejda Braho (Barleti Volej)

Esmeralda Tuci (Barleti Volej)

Romina Matoshi (Tirana)

Selda Smajlaj (Teuta)

Armela Gjermeni (Barleti Volej)

Sara Shehu (Partizani)

Lojtare Qendre 3:

Klonarda Nezaj (Barleti Volej)

Klava Petazi (Vllaznia)

Malvina Tuci (Partizani)

Sara Hasku (Barleti Volej)

Shqipe Molla (Vllaznia)

Diagonaliste 2:

Erblira Bici (Barleti Volej)

Iva Xhixha (Partizani)

Kejsi Matraku (Tirana)

Paula Koçeku (Vllaznia)

Libero:

Eni Fagu (Barleti Volej)

Amarilda Llupo (Teuta)

Ester Agolli (Partizani)