ASNN – Është luajtur dje ndeshja e dytë e javës së 8-të të nivelit të dytë të Kampionatit Kombëtar të Basketbollit për Meshkuj, që nijhet si Kategoria e Parë, dhe Elbasani ka qenë mysafir në Korçë për t’u ndeshur me Skënderbeun vendas.

Elbasanasit e Arben Xhyrës ka fituar 71-64 në këtë sfidë, duke ruajtur hapin me dyshen e kreut. Ndërkaq, të premten, në takimin e parë të javës, Teuta ka mundur Studentin, rivalin direkt për ngjitjen në Superligë.

57-41 ka qenë rezultati për durrsakët e drejtuar nga trajneri Abrazhda, të cilët duken të sigurt në rrugën e tyre për t’u ngjitur në nivelin më të lartë të basketbollit shqiptar të meshkujve.

Ka qenë një ndeshje e dominuar totalisht nga Teuta, e cila i ka fituar të katër pjesët e lojës dhe në fund ka triumfuar ndaj Studentit të Henri Mojës, i cili e pati cilësuar këtë ndeshje si “një sfidë ku fitorja ishte detyrim”.

Kampionati Kombëtar

i Basketbollit – Meshkuj

Kategoria e Parë

Java e 8-të

(20-21 shkurt 2015)

Të premten:

Teuta – Studenti                  57-41

Të shtunën:

Skënderbeu – Elbasani      64-71

Renditja

Nr.       Skuadra         N.        F.         H.        Psh-Pp                       Pikë

1. Teuta 8          6          2          573-486                     14
2. Studenti 8          5          3          524-494                     13
3. Elbasani 8          4          4          533-555                     12
4. Skënderbeu 8          1          7          477-570                     9