ASNN – Trajneri i Pogradecit, Ardjan Abazaj, është i bindur se skuadra që ai stërvitpërditë është në gjendje që të mundë Sopotin sot në “Gjorgj Kyçyku”. “Nuk kam pse të bëj më shumë komente, por jam i bindur që Pogradeci im e mund Sopotin”, – ka deklaruar ai.

Ndërkohë në lidhje me përgatitjet e skuadrës liqenore ka folur drejtori teknik i kësaj skuadre, Kopi Gusho, që do të deklaronte: “Jemi drejt fundit të përgatitjeve për ndeshjen që do të luajmë sot ndaj Sopotit. Impenjimi është maksimal si nga futbollistët, ashtu dhe nga stafi teknik.”

“Të gjithë shpresojmë se do ta arrijmë fitoren në ndeshjen e sotme, e cila do të na japë mundësi për të shpresuar dhe më shumë në ngjitjen e skuadrës sonë në Kategorinë Superiore”, – ka shtuar ai. Kësisoj të gjithë në Pogradec janë të bindur se sot liqenorët do t’ia dalin ndaj Sopotit dhe do të jenë në vallen e pretendentëve për t’u ngjitur në Superiore.