ASNN – Është luajtur dje ndeshja e parë e javës së 16-të të Kampionatit Kombëtar të Volejbollit për Meshkuj dhe Studenti u është kthyer fitoreve në kampionat, teksa dje në mesditë ka mbaruar punë shpejt ndaj Elbasanit vendës.

Diferencat kanë qenë të dukshme, teksa dy setet e para janë fituar thellësisht nga kampionët në fuqi, 13-25 dhe 12-25. Ka një farë rezistence nga Elbasani në të tretin, por përsëri triumfon Studenti dhe në fund 3-0 për skuadrën kampione në fuqi.

Skuadra e trajnerit Ylli Tomorit kryeson me 37 pikë, 7 më tepër sesa ndjekësja më e afërt, Tirana, që këtë javë ka qenë pushim dhe për rrjedhojë ka luajtur një ndeshje më pak.

Në vendin e tretë gjendet me 25 pikë Teuta, e cila pret sot në fushën e vet Farka Volejin, në takimin që nis në ora 17:00, ndërsa Vllaznia e vendit të 4-t, me 21 pikë, është mysafire në Korçë për t’u ndeshur me Skënderbeun vendas.

ELBASANI – STUDENTI                 0-3

(13-25, 12-25, 16-25)

ELBASANI: Zenelhoxha, Çullhaj, Agushi, Kula, Gashi (L), Arapi, Kasa / Biba, Daka, Veizi, Tollumi. Trajner: A. Shabanaj

STUDENTI: Tukseferi, Kasa, Gorenxa (L), Rrashketa, Danajnov, Vuldiev, Kona /Çali, Qerranxhija, Malaj, Muça, Sotir. Trajner: A. Gorenxa

GJYQTARË: G. Zuna, T. Kacadej

Kampionati Kombëtar

i Volejbollit – Meshkuj

Java e 16-të

(20-21 shkurt 2015)

Të premten:

Elbasani – Studenti             0-3

Të shtunën:

Skënderbeu – Vllaznia       ora 12:00

Teuta – Farka Volej            ora 17:00

Tirana                                     pushim

Renditja

Nr.       Skuadra         N.        F.         H.        Setet               Pikë

1. Studenti 14        12        2        39-12              37
2. Tirana 13        11        2        34-17              30
3. Teuta 13        8        5        28-20              25
4. Vllaznia 12        7        5        25-17              21
5. Farka Volej 12        5        7        19-23              14
6. Skënderbeu 12        1        11        12-35              5
7. Elbasani 14        1        13        8-41              3