ASNN – Albpetroli i ka mbyllur dje ndeshjet miqësore të periudhës përgatitore, ndërsa të dielën nis faza e dytë e Kategorisë së Dytë të Kampionatit Kombëtar të Futbollit dhe skuadra e trajnerit Llazar Dushi do të jetë në fushën e Skraparit.
Pasi është mundur 1-2 nga Tomori, por dhe ka fituar dy herë me Orikumin, 2-1 dhe 4-2, dje ka pasur përballë kosovarët e Besës. Një kundërshtar që ka rezultuar i fortë, sepse Albpetroli është mundur 1-3.
Megjithatë patosarakët nuk shqetësohen shumë nga kjo gjendje e skuadrës, sepse e presin paraqitjen e mirë në fazën e dytë të kampionatit në Kategorinë e Dytë duke shpresuar ngjitjen në të Parën.
