Me iniciativën e Drejtorisë së Sportit dhe Rrinisë në Bashkinë e Tiranës, që nga java e kaluar ka nisur edicioni i 3-të i Turneu Lokal të Basketbollit për Djem për Moshën deri në 14 vjeç. Janë në garë 12 ekipe, ndërsa të paktën edhe sipas specialistit të sportit në Bashkinë e Tiranës, Ervin Koçi, i cili është dhe gjyqtar ndërkombëtar, dy edicionet e para janë fituar nga Superior Klima.

Një skuadër e cila ka pasur një brez të talentuar lojtarësh dhe që tashmë me shumë sukses po luajnë në kampionatin e Nën-16-vjeçarëve. Jo vetëm kaq, por disa prej tyre kanë qenë edhe në kombëtaren e paratërinjve, e cila vjet mori pjesë me shumë sukses në Divizionin B të Kampionatit Evropian të kësaj grupmoshe. Duke iu kthyer garës, që në ditën e parë kanë nisur shpartallimet.

Aq sa nuk ka nevojë për shumë koment kur Superior Basket (2) fiton me 103 pikë diferencë, “Invaders”-i me 22 pikë, QMB Tirana me 36 pikë dhe Superior Klima me 32 pikë. Madje një ndeshje është dhënë në “tavolinë” në favor të Marsi Basket, sepse Real Basket nuk kishte plotësuar dokumentacionin në kohën e duhur. E vetmja ndeshje me shumë rivalitet ka qenë ajo mes Horizont Basket dhe Olimpik Basket.

Ndërkohë në planet e ardhshme të Bashkisë së Tiranës, teksa të gjitha veprimtaritë kanë dhe mbështetjen e Federatës Shqiptare të Basketbollit, është kampionati i djemve për moshën deri në 12 vjeç, si dhe ai i vajzave për Nën-14. Gjithsesi ajo që mbetet të thuhet, teksa rivaliteti është me pikatore, që në ditën e parë kanë nisur shpartallimet, ndërsa sipas specialistëve kjo nuk i ndihmon fëmijët të rriten me kësi rezultatesh.

Turneu i 3-të Lokal i Basketbollit

“Tirana 2015” – Nën-14-vjeç – Djem

Java e parë

(10-13 shkurt 2015)

Sonia Basket – Superior Basket (2)         108-5

Horizont Basket – Olimpik Basket 42-48

Invaders – Ardhmëria Basket                    58-36

M.J.Pao – QMB Tirana                    42-77

Alfa Basket – Superior Klima                     13-45

Real Basket – Marsi Basket                       0-20 (në tavolinë)

Renditja

Nr.       Skuadra                     N.        F.         H.        Psh-Pp           Pikë

1. Superior Basket 1          1          0          108-5              2
2. QMB Tirana 1          1          0          77-42            2
3. Superior Klima 1          1          0          45-13            2
4. Invaders 1          1          0          58-36            2
5. Marsi Basket 1          1          0          20-0              2
6. Olimpik Basket 1          1          0          48-42            2
7. Horizont Basket 1          0          1          42-48            1
8. Real Basket 1          0          1             0-20            1
9. Ardhmëria Basket 1          0          1          36-58            1
10. Alfa Basket 1          0          1          13-45            1
11. M.J. Pao 1          0          1          42-77            1
12. Sonia Basket 1          0          1             5-108          1