ASNN – Kukësi-Tirana AS ishte ndeshja e cila ka mbyllur javën e 12-të të Kampionatit të 6-të Kombëtar të Futbollit të Femrave. 5-1 ka qenë fitorja e kuksianeve, skuadër e cila ndjek hap pas hapi Vllazninë në kryesim. Në përgjithësi ndeshje pa shumë nivel dhe me shumë gola, ndërsa rivaliteti është në shkallën zero.

Ky kampionat e ka nisur të dielën fazën e dytë të tij dhe Vllaznia vazhdon dominimin me hapa galopantë, pasi, me fitoren 13-1 që arriti në Bilisht ndaj skuadrës vendase, jo vetëm që ka shkuar në kuotën e 36 pikëve, pas 12 fitoresh në po aq ndeshje, por edhe ka arritur kufirin e 104 golave të shënuar e vetëm 6 të pësuar, çka do të thotë më tepër sesa 8.5 gola të shënuar mesatarisht për çdo takim nga shkodranet.

Kukësi i vendit të dytë ka tashmë 31 pikë, ndërsa vendin e tretë e mban Kinostudio, që fitoi 7-0 ndaj Dajtit, me 27 pikë, po aq sa ka edhe “The Door”, që fitoi 6-1 në fushën e AAS-së. Një pikë pas tyre renditet Juban Danja, e cila fitoi 4-1 në Elbasan ndaj skuadrës vendase, falë golave të P. Jakut, E. Jakut, Haxharit dhe Vishkullit me 11-metërsh.

Ndërsa vendaset u ngushëlluar nga goli i V. Popës po me 11-metërsh. Ndërkaq, premiera e fazës së dytë për ekipin e Apolonisë ka nisur nga qyteti i Durrësit, aty ku vajzat fierake do të kërkonin revanshin e humbjes së pësuar në Fier me Shkëndijën. Skuadra e Apolonisë, me trajner Arben Ymerajn, ka fituar 4-1 me gola të realizuar nga Goro, Buzi, Buzi dhe Cekaj.

Kampionati i 6-të Kombëtar

i Futbollit për Femrave

Java e 12-të

(14-15 shkurt 2015)

Elbasani – Juban Danja                 1-4

Dajti – Kinostudio                            0-7

Bilisht Sporti – Vllaznia                  1-13

AAS – The Door                               1-6

Shkëndija Durrës – Apolonia        1-4

Kukësi – Tirana                                5-1

Renditja        

Nr.       Skuadra                     N.        F.         B.        H.        Gsh-Gp          Pikë

1. Vllaznia             12        12        0          0        104-6              36
2. Kukësi 12        10        1          1        86-15              31
3. Kinostudio             12        9        0          3        71-22              27
4. The Door             12        9        0          3        41-18              27
5. Juban Danja 12        8        2          2        78-16              26
6. Tirana AS             12        6        1          5        38-29              19
7. Apolonia             12        3        2          7        24-48              11
8. Elbasani             12        3        2          7        13-42              11
9. Shkëndija Durrës 12        3        1          8        17-41              10
10. Bilisht Sporti 12        2        3          7        18-69              9
11. Dajti             12        1        0          11        5-79              3
12. AAS             12        0        0          12        4-114            0