ASNN – Fitore e thellë për Teutën përballë Universitetit Epoka. Durrsakët shënuan plot 12 herë. Minuta e 9-të sjell edhe golin e epërsisë për Teutën. Ivi Bllaca depërton mirë në zonën kundërshtare dhe kalon vendësit në epërsi. Për disa minuta radhazi janë durrsakët që sulmojnë vazhdimisht, por pa mundur të dyfishojnë.
Në momentin që pritej goli i dytë i Teutës shënojnë universitarët me Hamzain. Vetëm dy minuta zgjat baraspesha, pasi vendësit kalojnë sërish në epërsi me të njëjtin autor, Ivi Bllaca. Është sërish i njëjti autor, që pas 4 minutash shënon edhe golin e tretë për Teutën. Nuk pajtohen me rezultatin kryeqytetasit, që fillojnë e sulmojnë zonën durrsake.
Nuk vonon shumë dhe Omeri sjell barazpeshën 3-3. Vetëm një minutë ekuilibër, sepse Nik Bllaca rikthen sërish vendësit në epërsi. Deri në fundin e pjesës së parë bregdetarët shënojnë edhe dy herë të tjera për ta mbyllur këtë fraksion 6-3. Pjesa e dytë nuk ka histori, sepse dominohet totalisht nga vendësit, të cilët shënojnë edhe 6 herë të tjera.
TEUTA – UNIVERSITETI EPOKA 12-5
Shënues: I. Bllaca 9′, 15′, 19′, 29′, 35′, 52′, Hoti 27′, 46′,
- Bllaca 24′,45′, Mustafaraj 40′, Riko 42′ / Hamzai 13′,
Omeri 21′,23′, 53, Gashi 31′.
TEUTA: Peroi, I. Bllaca, N. Bllaca, Riko, Hoti, Mustafaraj, Kockovica. Trajner: O. Çaushaj
UNIVERSITETI EPOKA: Zenelaj, Gashi, Hoxha, Rada, Djaloshi, Omeri, Hamzai. Trajner: I. Gashi
GJYQTARË: K. Hakrama, A. Bixhi, S. Minxholli
KARTON I VERDHË: Zenelaj
