Farka Volej ka fituar në 3 sete ndaj Elbasanit, dje pasdite në sallën sportive “Farie Hoti”. Ndeshja ka nisur me një minutë heshtje në kujtim të shefit të Klubit Shumësportësh të Elbasanit, Ylli Mehja, i ndarë nga jeta në moshën 65-vjeçare pas një sëmundjeje të rëndë. Takimi ka nisur mirë për verdheblutë, të cilët kanë kryesuar deri në 14-16.

Por më pas Farka Volej e ka kthyer lojën në favorin e saj me shumë vështirësi. 20-18, 23-22 dhe në fund 25-22. Seti i dytë ka nisur keq për Farka Volejin, aq sa trajneri Bardhi ka marrë pushim në disavantazhin 4-5 për t’i shkundur të tijtë. Dhe nuk ka kthim prapa. 5 pikë radhazi dhe Farka Volej përmbys në 9-5.

Më pas 12-6, 17-10 dhe në fund 25-15. I treti është i ekuilibruar deri në 14-10, por në fund Farka Volejit merr frenat e lojës në dorë dhe fiton 25-14 e të gjithë ndeshjen 3-0. Pikëshënuesi më i mirë i ndeshjes Koçi i Farka Volejit me 12 pikë, i ndjekur nga Kula i Elbasanit me 10, si dhe Çullhaji i Elbasanit me 9 dhe Bajrami i Farka Volejit me 7 pikë.

Në bllok ka dalë fitues Bajrami i Farka Volejit dhe Kula i Elbasanit me 2 mure fituese, kurse në shërbim ka dalë fitues Qepa i Farka Volejit me 6 rezultative. Në total Farka Voleji ka shënuar 75 pikë, prej të cilave 50 vetë, kurse 25 kanë ardhur nga gabimet e verdhebluve.

Ndërkohë në krahun tjetër Elbasani në tre sete ka shënuar 51 pikë, prej të cilave 39 vetë, kurse 12 kanë ardhur nga gabimet e Farka Volejit.

Farka Volej – Elbasani         3-0

(25-22, 25-15, 25-14)

Farka Volej; Deliu, Bajrami, Metani, Koçi, Nimani, Qepa, Bërdufi (L) / Vllaçaj, Palushi (L), Plaku, Xhajkone. Trajner: D. Bardhi

Elbasani: Zenelhoxha, Çullhaj, Agushi, Kula, Gashi (L), Arapi, Kasa / Daka. Trajner: A. Shabanaj

Gjyqtarë: R. Omari, E. Zenullari (Tiranë)

Kampionati Kombëtar

i Volejbollit – Meshkuj

Java e 15-të

(14-15 shkurt 2015)

Të shtunën:

Vllaznia – Teuta                   3-1

Studenti – Tirana                 2-3

Skënderbeu – pushim

Të dielën:

Farka Volej – Elbasani        3-0

Renditja

Nr.       Skuadra         N.        F.         H.        Setet               Pikë

1. Studenti 13        11        2        36-12              34
2. Tirana 13        11        2        34-17              30
3. Teuta 13        8        5        28-20              25
4. Vllaznia 12        7        5        25-17              21
5. Farka Volej 12        5        7        19-23              14
6. Skënderbeu 12        1        11        12-35              5
7. Elbasani 12        1        11        8-35              3