ASNN – Kategoria e parë e Kampionatit Kombëtar të Futbollit ka ngritur dje siparin me javën e parë të saj, javë kjo që nuk u zhvillua e plotë. Veleçiku ka udhëtuar drejt Kamzës për ta luajtur ndeshjen e parë të kampionatit të ri, por i deleguari i organizmit që qeveris futbollin shqiptar nuk ka lejuar që ndeshja të luhej, për shkak se Kamza nuk i kishte shlyer detyrimet financiare të fillimsezonit.
Prandaj, sipas gjasave, koplikasit do t’i marrin tri pikët në tavolinë, ndërsa kamzalinjtë duhet të shkundin xhepat, për të mos e përsëritur më këtë “shfaqje”, sepse pastaj rrezikojnë rënien një kategori më poshtë dhe përjashtim nga gara. Në ndeshjet e tjera, në të dyja grupet e nivelit të dytë të futbollit shqiptar, janë zhvilluar ndeshje me rivalitet, ku nuk kanë munguar as surprizat.
E tillë ishte fitoirja minimale e Bylisit ndaj Lushnjës në Sarandë, ku u “degdis” nga FSHF-ja të luante, duke u konsideruar “Adush Muçën” si i papërshtatshëm. Edhe Luftëtari është shtangur në shtëpi dhe Bledar Devolli e nis me humbje ndeshjen e tij të parë si trajner, pasi Dinamo ka fituar me rezultatin 2-0. Kurse Besa ka provuar forcën e një tjetër rivali të ri, Tërbunit të Pukës, që ka marrë një barazim nga kjo vizitë në Kavajë.
Mamurrasi ka shpalosur pretendimet e veta që në nisje, pasi në derbin me Kastriotin, skuadra e drejtuar nga trajneri Ylber Zani ka fituar 2-0, ndërkohë që ka shkuar dëm edhe një 11-metërsh në pjesën e pare. Fitore “in extremis” ka marrë në javën e parë edhe Besëlidhja, për të cilën ka vendosur Jakupi. Minimalisht ka fituar Pogradeci ndaj Naftëtarit, duke iu falur Pengut, ndërsa Iliria nuk ka falur në “Redi Maloku”.
Fushë-krujasit kanë triumfuar 2-0 ndaj Adës. Në Berat ka pasur mjaft tension. 9 kartonë të verdhë dhe dy të kuq tregojnë për antagonizmin e thellë mes Tomorit e Shkumbinit në javën e parë të kampionatit. Goli ka ardhur në minutën e dytë të kohës shtesë në këtë ndeshje, nga Idrizaj, duke bërë që vendësit të marrin 3 pikë të vështira. Sopoti e nis mjaft bukur aventurën në Kategorinë e parë dhe ekipi librazhdas ka mundur minimalisht në fushën e Cërrikut Butrintin.
Kategoria e Parë
Grupi A
Java e parë
(27 shtator 2014)
Besa – Tërbuni 1-1
Shënues: A.Sallaku 2’ / Tafa 17’
Gjyqtarë: B. Breshani, E. Potomi, B. Mesi
Stadiumi “Besa”, Kavajë
Kamza – Veleçiku (nuk u zhvillua)
Gjyqtarë: B. Kaimi, A. Shkreta, R. Zaimi
Stadiumi i Kamzës
Iliria Fushë-Krujë – Ada Velipojë 2-0
Shënues: Doçi 12’, Ajzai 54
Gjyqtarë: S. Greca, E. Malo, M. Qose
Stadiumi “Redi Maloku”, Fushë-Krujë
Besëlidhja – Burreli 1-0
Shënues: Jakupi 90’+1
Gjyqtarë: K. Shahini, F. Elezi, A. Demiraku
Stadiumi “Besëlidhja”, Lezhë
Kastrioti – Mamurrasi 0-2
Shënues: Karapici 45’, Tanushi 87’
Gjyqtarë: E. Hamiti, Gj. Bori, P. Simoni
Stadiumi “Kastrioti”, Krujë
Renditja
Nr. Skuadra N. F. B. H. Gsh-Gp Pikë
1. Iliria Fushë-Krujë 1 1 0 0 2-0 3
2. Mamurrasi 1 1 0 0 2-0 3
3. Besëlidhja 1 1 0 0 1-0 3
4. Besa 1 0 1 0 1-1 1
5. Tërbuni 1 0 1 0 1-1 1
6. Burreli 1 0 0 1 0-1 0
7. Ada 1 0 0 1 0-2 0
8. Kastrioti 1 0 0 1 0-2 0
9. Kamza 0 0 0 0 0-0 0
10. Veleçiku 0 0 0 0 0-0 0
Shënuesit më të mirë:
1 gol: Doçi, Ajazi (Iliria); Karapici, Tanushi (Mamurrasi); Jakupi (Besëlidhja); Sallaku (Besa); Tafa (Tërbuni)
Grupi B
Java e parë
(27 shtator 2014)
Luftëtari – Dinamo 0-2
Shënues: Turdiu 11’, Rezi 90’
Gjyqtarë: O. Ferataj, N. Rrapaj, Q. Shehaj
Stadiumi “Gjirokastra”, Gjirokastër
Bylis – Lushnja 1-0
Shënues: Aliaj 31’(11-m.)
Gjyqtarë: E. Halo, P. Puto, G. Bimi
Stadiumi “Andon Lapa”, Sarandë
Sopoti – Butrinti 1-0
Shënues: Lezi 67’
Gjyqtarë: J. Xhaja, E. Shehu, R. Shaba
Fusha Sportive “Nexhip Trungu”, Cërrik
Tomori – Shkumbini 1-0
Shënues: O. Idrizaj 90’+2
Gjyqtarë: S. Greca, E. Malo, M. Qose
Stadiumi “Jani Kosta”, Berat
Pogradeci – Naftëtari 1-0
Shënues: Pengu 13’
Gjyqtarë: H. Llapra, E. Pulaj, E. Rrapi
Stadiumi “Gjorgji Kyçyku”, Pogradec
Renditja
Nr. Skuadra N F B H Gsh-Gp Pikë
1. Dinamo 1 1 0 0 2-0 3
2. Bylis 1 1 0 0 1-0 3
3. Pogradeci 1 1 0 0 1-0 3
4. Sopoti 1 1 0 0 1-0 3
5. Tomori 1 1 0 0 1-0 3
6. Butrinti 1 0 0 1 0-1 0
7. Lushnja 1 0 0 1 0-1 0
8. Naftëtari 1 0 0 1 0-1 0
9. Shkumbini 1 0 0 0 0-1 0
10. Luftëtari 1 0 0 1 0-2 0
Shënuesit më të mirë:
1 gol: Aliaj (Bylis); Turdiu, Rezi (Dinamo); Pengu (Pogradeci); Lezi (Sopoti); O.Idrizaj (Tomori)
