Në setin e parë 9-5, 12-7, 14-10, 21-13 dhe në fund 25-15. I dyti ka nisur mirë për Farka Volejin, që ka kryesuar deri në 8-9. Por më pas frenat janë përsëri në dorën e Studentit. Ka dhe debate në distancë mes trajnerit të Farka Volejit, Dritan Bardhit, dhe gjyqtarëve. Prej së cilës ka marrë karton të verdhë dhe të kuq dhe një pikë automatikisht ka shkuar në favor të Studentit.

E përfundimi i setit të dytë është 25-17. I treti ka qenë si një stërvitje për Studentin, aq sa Tomori i ka futur të gjithë për ta pasur secilin protagonist të kësaj kupe të fituar. 3-0 për Studentin dhe pikëshënuesi më i mirë i ndeshjes Vasiliev me 12 pikë, i ndjekur nga Koçi me 11 pikë.

Në bllok ka dalë fitues Rrashketa me gjashtë mure fituese, kurse në shërbim janë fitues Tukseferi, Vuldiev dhe Kono me dy të sakta. Në total Studenti në tre sete ka shënuar 75 pikë, prej të cilave 55 vetë, kurse 20 kanë ardhur nga gabimet e Farka Volejit. Në krahun tjetër Farka Voleji në tre sete ka shënuar 41 pikë, prej të cilave 32 vetë, kurse 9 kanë ardhur nga gabimet e Studentit, që është fitues me meritë i Kupës së Shqipërisë.

Studenti – Farka Volej             3-0

(25-15, 25-17, 25-9)

Studenti: Rrashketa, Malaj, Tukseferi, Vasiliev, Vuldiev, Kono, Gorenxa (L) / Muça, Çali, Memia, Kasa, Qerraxhia. Trajner: Y. Tomorri

Farka Volej: Qepa, Nimani, Deliu, Bajrami, Metani, Koçi, Palushi (L) / Vllaçaj, Bërdufi (L). Trajner: D. Bardhi

Gjyqtarë: E. Zguri, A. Telo (Tiranë)

Asistentë: E. Kurti, E. Dusha (Tiranë)