ASNN – 133 sportistë të 12 klubeve nga Shqipëria dhe Kosova kanë marrë pjesë në veprimtarinë e parë të atletikës shqiptare për vitin 2015. Në përfundim, Gledis Hallunaj dhe Marija Stillo janë shpallur më të mirët e Kampionatit Kombëtar Individual Dimëror, ndërsa presidenti i Federatës Shqiptare të Atletikës, Gjergji Ruli, ka shprehur besimin në shtimin e pistave të këtij sporti në vendin tonë.

Edhe pse në kushte të këqija atmosferike, atletika shqiptare ka zhvilluar të martën veprimtarinë e saj të parë për vitin 2015, duke shpallur kampionët e dimrit. Në pjesën më të madhe të garave kanë dominuar atletët e Tiranës dhe Vllaznisë, apo dhe të Skënderbeut e Teutës, ndërsa Gledis Hallunaj dhe Marija Stillo janë shpallur më të mirët e Kampionatit Kombëtar Individual Dimëror.

Sipas presidentit të Federatës Shqiptare të Atletikës, Gjergji Ruli, pritet përfundimi i pistës së atletikës në “Elbasan” Arena”, por edhe në Shkodër. “Unë jam optimist se me pistën e re në “Elbasan Arena”, por edhe në Shkodër, gjeografia e garave të atletikës shqiptare do të zgjerohet”, – ka thënë ai për AlbanianSport.com. Në Kampionatin Kombëtar Individual Dimëror mungonin dy më të mirët e atletikës shqipare, Luiza Gega dhe Izmir Smajlaj.

Kampionati Individual

Dimëror i Atletikës

Rezultatet teknike:

Meshkuj

60 m/p                        Ravio Rama (Tirana)           8”90

Kërcim 3-hapësh     Gledis Hallunaj (Vllaznia)  14.71 m

Hedhje gjyle              Adriatik Hoxha (Teuta)        15.74 m

60 m                           Mario Shestani (Vllaznia)   7”32

Kërcim së gjati          Gledis Hallunaj (Vllaznia)  7.04 m

800 m                         Malvin Nikolla (Tirana)        2’00”64

3000 m                       Genci Lugja (Tirana)           9’17”67

400 m                         Lulzim Çengeli (Vllaznia)   50”78

1500 m                       Mario Makaj (Teuta)             4’16”52

Sportisti më i mirë: Gledis Hallunaj (Vllaznia) 931 pikë olimpike

Femra

60 m/p                        Sindi Prifti (Dinamo 2010)  10”54

Kërcim 3-hapësh     Dorina Myrto (Teuta)           10.38 m

Hedhje gjyle              Adifete Tola (Teuta)                8.50 m

60 m                           Marija Stillo (Skënderbeu)     7”99

400 m                         Relaksa Deliu (Tirana)        1’02”14

800 m                         Elina Cufe (Tirana)              2’36”94

1500 m                       Klaudia Sharka (Tirana)     6’30”55

Kërcim së gjati          Ana Burda (Skënderbeu)      5.13 m

Sportistja më e mirë: Marija Stillo (Skënderbeu) 899 pikë olimpike