Federata Shqiptare e Volejbollit, përmes shkresës dërguar me firmën e Sekretarit të Përgjithshëm Leonard Tase, ka zbardhur datat e finales së Kupës së Shqipërisë në volejboll për meshkuj.

Ashtu sikurse femrat, të cilat do të luajnë më 4 dhe 5 shkurt 2015 në Pallatin e Sportit “Asllan Rusi”, edhe djemtë do të jenë në të njëjtin impiant sportiv në Tiranë më 6-7 shkurt.

Siç dihet, tek meshkujt, pas fazës në grupe janë kualifikuar Studenti, Farka Volej, Tirana dhe Teuta. Fituese në fuqi është Studenti, kurse tre skuadrat do të luftojnë për t’i rrëmbyer trofeun skuadrës së trajnerit Ylli Tomori.

Ka një luftë edhe mes të huajve, sepse dy bullgarëve të Studentit, Tirana i është kundërpërgjigjur me një ukrainas dhe malazezin Medenica. Ndaj dhe këto finale ia vlen që të shihen.

Kupa e Shqipërisë

Volejboll – Meshkuj

Kalendari i fazës finale:

Gjysmëfinalet

6 shkurt 2015:

Studenti – Teuta                  ora 16:00

Tirana – Farka Volej            ora 18:00

Finalja

Të shtunën, më 7 shkurt 2015, ora 17:00