Dinamo / Pakënaqësi portierësh, tek blutë ka një çështje “Lamellari”

Share Button

Daniel-Lamellari

Gjergj Vyshka AlbanianSport.com 02.02.2015 07:35

Mbrojtësi i katërkëndorit blu deri më 20 dhjetor, Daniel Lamellari, debate meadministratorin blu. Saliaj: “E kemi lënë që të flasim sot, por duhet të kuptojë që në profesionalizëm luan kush e meriton”. Dinamo ka bërë katër përforcime në tregun e lëvizjeve të futbollistëve në dimër. Dhe ata portieri Elvis Kotorri, qendërmbrojtësi Marvin Turtulli, mesfushori Igli Allmuça dhe sulmuesi Daniel Xhafaj. Që të katër, të paktën në tre miqësoret e fundit të bluve në periudhën përgatitore, kanë qenë pjesë e formacionit titullar të ndërtuar nga trajneri Mehmeti, teksa një 11-tësh i tillë me katër përforcimet e ardhura nga lëvizjet dimërore pritet të jetë edhe në ndeshjen e parë të pjesës së dytë të kampionatit.

Bëhet fjalë për kryesfidën e grupit të Jugut, Lushnja-Dinamo, e cila do të zhvillohet të shtunën më 7 shkurt në “Roza Haxhiu” të Lushnjës. Por të gjithë këto përforcime, të cilat janë me titullin e kampionit si ish-dinamovitë, kanë krijuar pakënaqësinë mes grupit të futbollistëve të trajnerit Dritan Mehmeti. Veçanërisht tek ata që e kanë përballuar mirë pjesën e parë të këtij sezoni deri më 20 dhjetor, teksa në përfundim Dinamo u rendit në vendin e dytë me 20 pikë duke qenë vetëm një pikë larg Lushnjës kryesuese. Dhe pakënaqësitë në kampin dinamovit, jo vetëm që janë pranuar në një farë mënyre nga trajneri Dritan Mehmeti, sidomos pas miqësores së fituar me Gramshin, 2-0, por në përfundim të testit të së shtunës me Korabin, sërish fituar nga Dinamo 4-0, kanë plasur si asnjëherë tjetër.

Pikërisht portieri Daniel Lamellari, që për tre vjet rresht ka qenë titullar i Dinamos në Kategorinë e Parë, ka debatuar ashpër me administratorin Ismet Saliaj. Ky i fundit është munduar ta sqarojë, ndërsa pritet që pikat mbi “i” të vendosen sot në bisedën mes tij dhe Lamellari, apo dhe me trajnerin Mehmeti. Sipas Saliajt, kontributi i Lamellarit jo vetëm që është çmuar, por si i tillë është ai personi nga i cili do të nisë skuadra e Dinamos në vazhdim. “Unë e kam lënë të flasë dhe një herë me të, – ka deklaruar administratori blu. – Ai si profesionist duhet të kuptojë që në një skuadër ka nevojë dhe për konkurrencë. Që do të thotë se do të luajë ai që e meriton. Dhe këtë duhet ta zgjidhë trajneri Mehmeti.”

“Më kuptoni dhe mua, jam në një udhëkryq shumë të vështirë, sepse për hir të së vërtetës duhet të pranojmë që me Lamellarin asnjëherë nuk kemi pasur probleme duke qenë një pikë e fortë në portën tonë”, – ka shtuar Saliaj, i cili nuk e vë as në diskutim çështjen së çfarë do të mund të ndodhë nëse korçari i portës blu do të kërkojë të largohet, aq më tepër që sonte në mbrëmje, ashtu sikurse në të gjithë Evropën, i jepet fund lëvizjeve dimërore. “Duhet të dimë që Lamellari ka një kontratë deri në fund të këtij sezoni me Dinamon, – ka theksuar ballshioti i bluve. – Unë jam treguar shumë korrekt me të dhe nuk ka arsye që as ne dhe as ai të jemi “bukëshkelur” me njëri-tjetrin. Unë mendoj që nga Lamellari, me aftësitë që ka, nis dhe skuadra e Dinamos.”

“Ai është i pari dhe të tjerët vijnë pas tij. Por për objektivat që kemi duke kërkuar të dalim në Kategorinë Superiore duhen dy portierë shumë të mirë dhe me eksperiencë. Shpresojmë që gjërat t’i vëmë në vijë dhe të bëhet më e mira për këtë skuadër”, – ka përfunduar administratori i Dinamos, Ismet Saliaj.

Artikuj të tjerëFaqja Kryesore

In Memoriem / Shuhet në moshën 58-vjeçari ish-futbollisti Hekuran Jakupi

In Memoriem / Shuhet në moshën 58-vjeçari ish-futbollisti Hekuran Jakupi

AlbanianSport.com 14/11/2024 12:05 ASNN – Ish-futbollisti i njohur i Elbasanit dhe i futbollit shqiptar,

Mbyllet java e 23-të, AF Elbasani vuan për të përmbysur Luzin

Mbyllet java e 23-të, AF Elbasani vuan për të përmbysur Luzin

AlbanianSport.com 03/03/2024 20:40 ASNN – Është mbyllur java e 23-të e Kategorisë së parë dhe Elbasani

(Video) Luhet java e 23-të, Bylisi bën detyrën, Burreli shtang Flamurtarin

(Video) Luhet java e 23-të, Bylisi bën detyrën, Burreli shtang Flamurtarin

AlbanianSport.com 03/03/2024 15:35 ASNN – Bylisi dhe Vora bëjnë detyrën, Apolonia mund Kastriotin

Përcaktohet kalendari i fazës së 3-të, ja datat & formula e “play-off”-it

Përcaktohet kalendari i fazës së 3-të, ja datat & formula e “play-off”-it

AlbanianSport.com 27/02/2024 18:20 ASNN – Pas përfundimit të dy fazave të para të Kategorisë së Parë,

(Video) Bylis-AF Elbasani 0-0 ul siparin e javës së 22-të dhe fazës së dytë

(Video) Bylis-AF Elbasani 0-0 ul siparin e javës së 22-të dhe fazës së dytë

AlbanianSport.com 26/02/2024 15:25 ASNN – Kategoria e Parë mbyll fazën e dytë. Me takimin Bylis

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh