ASNN – Xherdan Shaqiri është kritikuar ashpër pas paraqitjes kundër Torinos. Edhe pse luajti pak më shumë se gjysmë orë kundër Torinos, Xherdan Shaqiri është kritikuar shumë nga mediat italiane.
Ai që ishte më kritiku për Xherdanin dhe përforcimin tjetër të Interit, Lukas Podolskin, ishte editorialisti i “Il Giornale”, Rikardo Sinjori. Sipas këtij të fundit, Interi tani e ka kuptuar se Shaqiri nuk është për më tepër sesa një lojtar rezervë.
“Interi u ka dhënë shtëpi Shaqirit e Podolskit, por tani e ka kuptuar pse ata qëndruan në bankën rezervë atje”, – shkroi në editorialin e tij Sinjori, i cili po pret më shumë efikasitet nga kjo dyshe.
Një kritikë e tillë është e ashpër veçanërisht për Xherdanin, i cili dhuroi një paraqitje fantastike kundër Sampdorias, por që gjithsesi ka mbetur vetëm aq, ndërsa trajneri Mançini ka theksuar se gjilanasi nuk është ende në 100 % të formës së tij fizike.
