Rami Muhamed Muhamed Musa. Ky është emri i një lojtari egjiptian, i cili ka shfaqur interes për të luajtur me Burrelin në Kategorinë e Parë. Madje ka shfaqur dhe të dhënat në faqen e “Facebook”-ut të KS Burrelit, por deri më tani as shefi i klubit të matjanëve, Driton Skura, por as trajneri i Burrelit, Vladimir Gjoni nuk kanë kthyer përgjigje.
Ndaj edhe egjiptiani është shfaqur në faqen e KS Burrelit në mënyrë që tifozët matjanë ta dinë se cili. Musa ka lindur më 9 qershor 1992 në Aleksandri të Egjiptit. Është i gjatë 1.78 metra dhe peshon 65 kg, kurse luan në pozicionin e organizatorit, mesfushorit të qendrës, apo dhe sulmues i fshehur.
Në karrierën e tij ka luajtur me Delingat Sportklub në Egjipt, Damanhur Sportin Klub në Egjipt, Union Aleksandria Sporting Klub në Egjipt, si dhe El Mokthar Tobruk Sporting Klub në Libi. Në edukatën arsimore, pasi ka mbaruar shkollën e mesme, studion në Universitetin e Damanhurit në fakultetin e tregtisë.
Për rrjedhojë ai ka shfaqur të dhënat, ndërsa nga Burreli nuk ka asnjë lloj përgjigje, teksa heshtja e drejtuesve ka të bëjë më refuzimin për egjiptianin Musa.
