Ashtu sikurse ishte vendosur dhe në analizën vjetore të Federatës Shqiptare të Volejbollit, e cila një javë më parë është zhvilluar në mjediset e Hotel “White Dream” në Tiranë, Kupa e Shqipërisë për meshkuj do të luhet në të njëjtën datë dhe orar.
Arsyeja e këtij vendimi, që ka ardhur dhe pas konsultimeve me klubet, të paktën dhe sipas sekretarit të përgjithshëm të Federatës Shqiptare të Volejbollit, Leonard Tase, ka qenë mungesa e financave e klubeve që do të vijnë nga rrethet në Tiranë.
Mirëpo burime të tjera që vijnë nga kampi i bardhebluve bëjnë të ditur se gjithçka ka ardhur dhe sugjerimin e trajnerit të Studentit, Ylli Tomorri, i cili tashmë ka marrë lojtarë të huaj dhe nuk ka dashur që t’i shohin kundërshtarët.
Që do të thotë se në Pallatin e Sportit “Asllan Rusi”, atje ku do të jetë Studenti, Vllaznia, Farka Volej, Tirana Volej, dhe në Sallën Sportive “Farie Hoti”, ku do të jenë Tirana, Teuta, Skënderbeu e Elbasani do të luhet në të njëjtët data dhe në të njëjtin orar.
Gjithçka do të zhvillohet në datat 29-31 janar dhe në oraret 16:00 ndeshja e parë dhe 18:00 në ndeshjen e dytë. I vetmi ndryshim është ndeshja e ditës së tretë Tirana-Skënderbeu, e cila do të zhvillohet në ora 14:00 për t’u dhënë mundësi korçarëve që të largohet me ditë nga kryeqyteti.
Gj.V.
Kupe e Shqipërisë
Volejboll – meshkuj
Kalendari i fazës së ndeshjeve në grupe:
Grupi A
Nr. Ekipi
1. Studenti
2. Vllaznia
3. Farka Volej
4. Tirana Volej
Dita e parë
(29 janar 2015)
Studenti – Tirana Volej ora 16:00
Farka Volej – Vllaznia ora 18:00
Dita e dytë
(30 janar 2015)
Farka Volej – Tirana Volej ora 16:00
Studenti – Vllaznia ora 18:00
Dita e tretë
(31 janar 2015)
Tirana Volej – Vllaznia ora 16:00
Studenti – Farka Volej ora 18:00
Grupi B
Nr. Ekipi
1. Tirana
2. Teuta
3. Skënderbeu
4. Elbasani
Dita e parë
(29 janar 2015)
Tirana – Elbasani ora 16:00
Teuta – Skënderbeu ora 18:00
Dita e dytë
(30 janar 2015)
Elbasani – Skënderbeu ora 16:00
Tirana – Teuta ora 18:00
Dita e tretë
(31 janar 2015)
Tirana – Skënderbeu ora 14:00
Teuta – Elbasani ora 16:00
