ASNN – Trajneri i futbollit të vogël: “Do të kërkojmë që të bëjmë një paraqitje dinjitoze, Franca kundërshtar me eksperiencë”. Në një prononcim të dhënë për “Gazeta e Sportit”, trajneri i Kombëtares së Futbollit të Sallës, Erind Resuli, shprehet i kënaqur me këto përgatitore që janë bërë në qytetin e Elbasanit. Madje ai edhe beson tek arritja e rezultateve pozitive në Moldavi.

Sipas Resulit e rëndësishme është edhe që të krijohet një skuadër e mirë edhe për të ardhmen, ndaj janë afruar shumë lojtarë të rinj, të cilët janë të perspektivës. “Pothuajse i mbaruam përgatitjet këtu në Elbasan dhe mund të them se kam mbetur i kënaqur nga ajo se çfarë kanë treguar djemtë në këto ditë që jemi grumbulluar”, – ka deklaruar ai. – Them se jemi gati për ta përballuar me sukses grupin ku kemi rënë.”

“Franca është një kundërshtar që ka eksperiencë të madhe në këto evenimente, por edhe ne kemi shanset tona. Tani duam që të kalojmë më tej, gjë që e kërkon çdo skuadër që merr pjesë. Mbi të gjitha ne duam edhe të paraqitemi në mënyrë dinjitoze”, – e mbyll prononcimin e tij trajneri i skuadrës kombëtare të futbollit të sallës, Erind Resuli. Kjo skuadër ka qëndruar prej 7 ditësh në Elbasan dhe nesër nisen drejt Moldavisë.

Futbollistët e grumbulluar në kombëtare

Ramadan Alaj

Arjan Bllumbi

Azem Brahimi

Shyqyri Bylyku

Florjan Gjoni

Blendi Gockaj

Roland Halimi

Erion Hoxha

Endrit Kaca

Mentor Mejzini

Ani Mullai

Armand Nebiu

Klodian Rrapi

Halim Selmanaj

Trajner: Erind Resuli

Kalendari i grupit D

14 janar 2015

Francë – San Marino          ora 15:00

Moldavi – Shqipëri               ora 17:30

15 janar 2015

Shqipëri – Francë                ora 15:00

Moldavi – San Marino         ora 17:30

17 janar 2015

San Marino – Shqipëri        ora 16:00

Francë – Moldavi                 ora 18:30