ASNN – Në Sarandë kanë nisur të kenë shqetësim për të ardhmen e Butrintit. Në faqen e “Facebook”-ut të KS Butrintit është shtruar pyetja nëse ka ndonjë plan për të rinjtë e Sarandës.
Në fakt, prej vitesh Butrinti merr pjesë në Kategorinë e Parë të Nën-17-vjeçarëve dhe Nën-19-vjeçarëve, por pa arritur që të ngjitet më lart.
Dhe shqetësimi është se ekipet e moshave, qoftë për para të rinj, por dhe për të rinj, kanë përfunduar nga vendet e para në renditje në vendet e fundit.
Dhe çdo vit duket se bie gjithnjë e më shumë interesi i të rinjve për sportin vendës në përgjithësi.
Ndaj dhe shqetësimi i ngritur tek faqja e KS Butrintit është nëse po shkatërrohet apo jo e ardhmja e futbollit dhe e sportit në Sarandë.
Kësisoj tek Butrinti tashmë kanë shqetësim për të ardhmen dhe zhvillimin e mëtejshëm të tij.
