ASNN – Korabi duket se ka shtirë me top në këtë treg të lëvizjeve të futbollistëve në dimër.

Sepse ka bërë 6 përforcime të menjëhershme. Dhe ata janë mbrojtësi i djathtë Melani, qendërmbrojtësi Sela, mesfushorët Muça e Lamaj, sulmuesit Kaloshi dhe Bërdufi.

Në këto kushte skuadra kryesuese e grupit të Veriut në Kategorinë e Parë duket se jo vetëm është përforcuar, por dhe i është kundërpërgjigjur dhëmb për dhëmb Erzenit, i cili kohë më parë kishte deklaruar katër afrime.

Tashmë dibranët pritet të nisin dhe periudhën e tyre përgatitore të dimrit, ndërsa faza e dytë e Kategorisë së Dytë do të nisë më 22 shkurt.