Ka rinisur Kategoria e Tretëe Kampionatit Kombëtar të Futbollit, ndërsa në javën e gjashtë të saj janë luajtur tre ndeshjet e para të grupit A. Ajo që duhet theksuar është fakti se Kevitan e Bulqiza sërisht kanë fiksuar goleada dhe janë treguar të pamëshirshëm për kundërshtarët.

Të dy skuadrat kanë arritur fitoren e 6-të radhazi. Kevitani ka mundur 7-0 Adën e Velipojës B, në sfidën e luajtur në kompleksin sportiv në Kamëz. Formacioni i drejtuar nga trajneri Mark Vataj ishte thjesht i papërmbajtshëm ndaj velipojakëve, që u ndëshkuan që në minutën e 7-të nga Farruku.

Vetëm tre minuta më pas, Hyseni dyfishoi shifrat, ndërsa në të 27-ën realizoi Mehmeti. Pesë minuta para përfundimit të pjesës së parë, Mziu shënoi golin e katërt për Kevitani, që nuk mendonte thjesht për fitoren, por vetëm për goleadë. I njëjti autor e ndëshkoi Adën Velipojën B në minutën e 63-të.

Ndërsa Pjetri dhe Marku në minutat 61 dhe 66 vulosën rezultatin e thellë 7-0. Ndërkohë Bulqiza ka realizuar fitoren më të thellë të javës, që është 13-0 ndaj Akademisë “Albania Ajaks Schools”, kurse Spartaku ka mundur 6-2 Flabinën. Tashmë pritet që deri në fund javës të luhen dhe ndeshjet e mbetura në grupin A, si dhe të gjitha takimet e grupit B.

Kategoria e Tretë

Grupi A

Java e 6-të

(7 janar 2015)

Dje:

Ada Velipojë B – Kevitan                0-7

AAS – Bulqiza                                  0-13

Flabina – Spartaku                          2-6

Sot:

Djelmnia – Internacional

Shkëndija Tiranë – Sporting Tiranë

Drini FK – Eagles

Renditja

Nr.       Skuadra                     N.        F.         B.        H.        Gsh-Gp          Pikë

1. Kevitan 6          6          0          0          40-2                18
2. Bulqiza 6          6          0          0          39-5                18
3. Djelmnia 5          4          0          1          26-3                12
4. Spartaku 6          4          0          2          26-11              12
5. Internacional 4          2          1          1          12-8                7
6. Eagles 5          2          1          2          10-11              7
7. Ada Velipojë B 6          2          1          3          9-13              7
8. Flabina 6          2          1          3          12-16              7
9. Shkëndija Tiranë 5          1          0          4          5-21              3
10. AAS 6          1          0          5          5-33              3
11. Sporting Tiranë 5          0          0          5          6-30              0
12. Drini FK 4          0          0          4          0-33              0