Basketbolli i paratërinjve ka luajtur të dielën javën e tretë të grupit B të kampionatit. Dhe ajo që vihet re është fakti se Superior Klima dhe Marsi Basket janë të pandalshëm. Jo vetëm kaq, por dhe fitoret e tyre janë sa bindëse, aq dhe dërrmuese për kundërshtarët.

Faktet flasin vetë, ndërsa Superior Klima e ka shkatërruar Studentin me një diferencë prej 75 pikësh, 103-28. Që do të thotë se të gjithë lojtarët e aktivizuar kanë qenë pikëshënues.

Më saktë Huljo Berati 24 pikë, Kejsi Naska 15 pikë, Jovvi Syku 13 pikë, Juri Zeqaj 12 pikë, Klinti Çelaj 11 pikë, Eldi Hysa 7 pikë, Reando Biba 6 pikë, Ad Shehi 5 pikë, Ani Balliu 4 pikë, Kriks Muho Junior 3 pikë dhe David Hoxhalli 2 pikë.

Por jo vetëm kaq, edhe Marsi Basket nuk ka bërë aventurë me Horizontin, teksa ka fituar 62-34, ndërsa të njëjtën gjë, edhe duke gjetur suksesin e parë të sezonit, e ka bërë Olimpik Basket, që ka fituar 77-35 me Vlora Basket.

Kampionati i paratërinjve rikthehet në parket në mesin e janarit.

Kampionati Kombëtar

i Basketbollit – Paratërinjtë

Grupi B

Java e 3-të

(20-21 dhjetor 2014)

Superior Klima – Studenti              103-28

Olimpik Basket – Vlora Basket      77-35

Marsi Basket – Horizont Basket    62-34

Renditja

Nr.       Skuadra                     N.        F.         H.        Psh-Pp           Pikë

1. Superior Klima 3          3          0          290-94            6
2. Marsi Basket 3          3          0          215-92            6
3. Horizonti 3          2          1          130-112         5
4. Olimpik Basket 3          1          2          134-164         4
5. Vlora Basket 3          0          3          103-231         3
6. Studenti 3          0          3          77-226          3