ASNN – Domosdova vuan sërish në ndeshjen e fundit të vitit 2014, ndërsa dje është mundur në fushën e vet nga Albpetroli me shifrat 0-2.
Edhe pse prrenjakët zhvilluan një ndeshje mjaft të mirë dhe qëndruan mjaft të fortë, ata janë ndëshkuar në fundin e ndeshjes.
Në harkun kohor të tre minutave ata kanë pësuar dy gola. Fillimisht ka shënuar Liçka në minutën e 87-të, dhe më pas, në fundin e ndeshjes, Pepa.
Dhe atëherë kur të gjithë prisnin që Domosdova të merrte barazimin, Albpetroli ka gjetur 3-pikëshin.
Janë për t’u harruar gjërat për Domosdovën, e cila në këtë pjesë të parë të kampionatit ka grumbulluar vetëm katër pikë
Domosdova – Albpetrol 0-2
Shënues: Liçka 87′, Pepa 90′
Domosdova: Belba, Rira, Duka, Bego, Bozha (Karriqi 73’), Mema (Vreto 57’), Face, Alliu, Llojku, Toçka, Beqo. Trajner: L. Rira
Albpetroli: Dedej, Çemeri, Mbyeti, Arapi (Pepa 62’), Ikonomi, Idrizi, Mici, Hidershaj, Shpataraku, Çobaj, Pernezha (Liçka 74’). Trajner: H. Çela
Gjyqtarë: E. Muça, T. Kasa, G. Llukmani (Tiranë).
