ASNN – Tomori e ka arritur objektivin që kishte, teksa dje ka fituar 2-0 me Butrintin, duke i ndalur kështu hovin sarandjotëve drejt rrugës së tyre për në Superiore dhe duke u pozicionuar vetë në shkallët më të larta të renditjes. Ka qenë një ndeshje e zgjidhur në fillimin dhe në fundin e saj nga beratasit.
Kështu në minutën e 11-të, P. Arbëri ka shënuar nga pika e bardhë e 11-metërshit, kurse në të 88-n, Uzuni ka vulosur fitoren e Tomorit. Në përfundim të ndeshjes, trajneri i Tomorit, Madrid Muzhaj, do të deklaronte: “Ka qënë një ndeshje në të cilën na duhej fitorja me çdo kusht.”
“Kemi fituar një takim “Fair-Play” duke dominuar në fushën e lojës, – ka vijuar trajneri beratas. – Më gëzon fakti që ekipi është duke e ngritur nivelin e lojës në çdo ndeshje. Kujtoj këtu që në tre takimet e fundit kemi zhvilluar futboll mjaft të bukur. Kemi marrë 6 pikë në tri ndeshje shumë të forta dhe këtë e vlerësoj si shumë pozitive.”
“Ekipi duhet të vijojë me këtë ritëm që të grumbulloj sa më shumë pikë. Jemi në një situatë që s’duhet të gabojmë në të tilla ndeshje. Fitorja i dedikohet tifozërisë që na ndihmoj të arrinin tek fitorja”, – ka përfunduar trajneri i Tomorit, Madrid Muzhaj, pas fitores që skuadra e tij arriti ndaj Butrintit.
Tomori – Butrinti 2-0
Shënues: P. Arbëri 11’(11-m.), Uzuni 88’
Tomori: Vashaku, Ramazani, Bitri, Bishaj, Frataraku, Avdo, P. Arbëri, B. Myzyri, Papa (Dervishi 90’), Uzuni, Idrizaj (Sharavolli 80’). Trajner: M. Muzhaji
Butrinti: Haxho, Xhuvani, Xhibro, Alzeneli, Aleksi, Allmeta (Bazaj 46’), Rapa, Muço, Mustafaj, Dhrami (Meçani 80’), Raboshta. Trajner: M. Hysi
Gjyqtarë: K. Meta, D. Rexha (Tiranë), I. Tartari (Fier)
Kartonë të verdhë: Frataraku, P. Arbëri (2), Bitri / Alzeneli, Xhibro, Rapa
Karton i kuq: P. Arbëri
