ASNN – Besëlidhja është përballur në shtëpi me Adën në këtë javë të 11-të të Kategorisë së Parë dhe pas disa humbjeve radhazi i është rikthyer fitores, teksa ka mundur velipojakët 3-2.
Pjesa e parë ka nisur e vrullshme për vendësit, të cilët kanë shënuar të parët me anë të Malos në minutën e 16-të. Mirëpo miqtë nga Velipoja janë kundërpërgjigjur me Gjinin në minutën e 20-të.
Dhe vetëm në fundin e pjesës së parë lezhjanët kanë shënuar golin e dytë që ka firmën e Gjokesë. Në pjesën e dytë, në minutën e 49-të, Besëlidhja ka marrë një 11-metërsh, që e ka kthyer në gol Malo.
Dhe goli i D. Çokajt në minutën e 52-të ka vlejtur sa për të fiksuar rezultatin përfundimtar 3-2 për lezhjanët.
Besëlidhja – Ada Velipojë 3-2
Shënues: Malo 16’, 49 (11-m.),
Gjokeja 45’ / Gjini 20’, D. Çokaj 52’
Besëlidhja: Demi, Shytani, Begaj (Përgjini 54’), Jakupi, Baçi, Gjokeja, Hoxha, Xhorxheviç, Marashi (Lini 66’), Gruda (Turkaj 73’), Malo. Trajner: S. Bardhi
Ada Velipojë: Curri, Marku (Rahova 77’), Çaku, B. Çokaj, Murati, Kiri, D. Çokaj (Nika 66’), Arrinaj, Gjini, Ferhati, A. Hoxha (Mesi 55’). Trajner: K. Krepi
Gjyqtarë: K. Shahini, H. Lisaku, A. Demiraku (Durrës)
Kartonë të verdhë: Jakupi, Shytani / A. Hoxha
