ASNN – Flamurtari dominon kampionatin, Tirana e Partizani nuk lëshojnë terren, Teuta shpreson për “play off”-in. Ndeshjet e javës së 16-të të Kategorisë së Parë të Kampionatit Kombëtar të Basketbollit për Femra nuk kanë dhuruar surpriza, pasi Flamurtari, “kampion në fuqi”, fitoi 70-42 ndaj Elbasanit.

Ishte në fakt një ndeshje që u bë një formalitet për vajzat vlonjate. Diferencën në fushë e bëri Mucenji me 18 pikë të realizuara. Nuk zhgënjen as Tirana, që mundi 75-39 në derbin kryeqytetas. Ndeshje e komanduar nga vajzat bardheblu, ku u dallua Enisa Qosja me 21 pikë.

Të njëjtin ritëm ndjek edhe Partizani, që falë 20 pikëve të Lalaj dhe 19 të të Harisit mundi 84-46 Vllazninë dhe ruan vendin e 3-të. Teuta Basket mundi 84-45 Barleti Basket, duke marrë dy pikë të rëndësishme që e mbajnë në lojë për vendin e 4-t. Më e mira në fushë ishte Velias me 23 pikë.

Kampionati Kombëtar

Basketboll – Femra

Kategoria e Parë

Java e 16-të:

Tirana – Studenti                  75-39

Partizani – Vllaznia              84-46

Teuta – Barleti Basket          84-45

Flamurtari – Elbasani           80-42

Renditja

1. Flamurtari 31 pikë
2. Tirana 30 pikë
3. Partizani 29 pikë
4. Vllaznia 25 pikë
5. Teuta 22 pikë
6. Studenti 21 pikë
7. Elbasani 18 pikë
8. Barleti Basket 16 pikë