ASNN – Kategoria Superiore, java e 26-të mirëpret “klasiken” Vllaznia-Tirana. Java e 26-të e Kategorisë Superiore të Kampionatit Kombëtar të Futbollit do të luhet të premten dhe të shtunën. Skuadrat do të rikthehen sërish në fushën e lojës, teksa 3 prej sfidave do të zhvillohen më 1, ndërsa dy takimjet e tjera të kësaj jave do të luhen më 2 mars mars 2024.

Laçi-Skënderbeu dhe Egnatia-Dinamo City janë dy ndeshjet hapëse të javës së 26-të, që luhen duke nisur në të njëjtën kohë. Kështu, pas fitores minimale, por mjaft të vyer ndaj Partizanit në shtëpi, korçarët do të udhëtojnë këtë javë drejt Laçit, me takimin që do të luhet në stadiumin e kurbinasve, duke nisur nga ora 13:30. Në të njëjtën orë, Egnatia do të presë në shtëpi Dinamon.

Ndeshjet e kësaj dite do të mbyllen me sfidën Partizani-Kukësi, që do të luhet në Stadiumin “Arena e Demave” në kryeqytet, duke nisur nga ora 17:00. Ndërkaq, të dielën do të luhen edhe dy sfidat e tjera mjaft emocionuese të javës së 26-të. E mbiquajtura ndryshe edhe “Klasikja” e futbollit shqiptar, sfida Vllaznia-Tirana do të luhet në Stadiumin “Loro Boriçi”, duke nisur nga ora 17:00.

Ndërkohë, po në të njëjtën orë do të përballen me njëra-tjetrën në derbi edhe Teuta me Erzenin, me sfidën që do të luhet në Stadiumin “Niko Dovana” të Durrësit.