ASNN – Tirana shkarkon Julian Ahmatajn. Klubi bardheblu vendos për ndërrimin në stol në prag të ndeshjes së Kupës. Kështu, Tirana ka bërë lëvizjen më të fundit pas humbjes 2-1 në derbi përballë Partizanit të premten. Burime të sigurta pranë klubit kryeqytetas kanë bërë të ditur për RTSH Sport se Ahmataj është shkarkuar nga posti i trajnerit dhe se me shumë mundësi do ti besohet roli i drejtorit teknik.
Të hënën paradreke ai do të dilte në prononcimin e zakonshëm për shtyp para ndeshjes së parë të çerekfinaleve të Kupës së Shqipërisë, aty ku Tirana do të përballej në Stadiumin Niko Dovada të Durrësit me Teutën, duke synuar të linte pas krahëve humbjen me përmbysje të premten në derbin me Partizanin. Por pak orë pas këtyre fjalëve, është mësuar se Tirana e ka shkarkon Julian Ahmatajn nga detyra e trajnerit.
Klubi bardheblu ka bërë lëvizjen më të fundit pas humbjes 2-1 në derbi përballë Partizanit të premten. Burime të sigurta pranë klubit kryeqytetas kanë bërë të ditur për RTSH Sport se Ahmataj është shkarkuar nga posti i trajnerit dhe se me shumë mundësi do t’i besohet roli i drejtorit teknik. Deri të hënën në mbrëmje vonë , nuk kishte asnjë reagim zyrtar nga klubi në mjetet e komunikimit masiv apo rrjeteve sociale.
Por sipas burimeve në klubin bardheblu, momentalisht po diskutohet për emrin e trajnerit të ri, i cili do të zyrtarizohet në ditët në vazhdim. Tirana ndodhet aktualisht në vendin e 4-t në renditjen e Kategorisë Superiore, me 34 pikë të marra në 24 javë të këtij sezoni, me 9 fitore, 7 barazime dhe 8 humbje, teksa ka 42 gola të shënuar dhe 37 të pësuar.
