ASNN – Fitojnë Flamurtari, Tirana dhe Partizani, trioja pretendente për titull nis arratinë. Flamurtari “kampione” në basketboll për femra mbron vendin e parë pas ndeshjeve të javës së 14-të të Kategorisë së Parë të Kampionatit Kombëtar të Basketbollit për Femra. Vlonjatet fituan 51-43 në kryeqytet ndaj Studentit, në një ndeshje me nivel të ulët e ku skuadrat shënuan shumë pak pikë.

Për vlonjatet u dallua Henderson me 19 pikë e 17 topa të zotëruar në tabelë. Fitore të thellë korri edhe Vllaznia, që në fushën e saj mundi 80-27 Elbasanin. Ndonëse pritej një sfidë disi më e fortë, vendaset u shkëputën që në fillim dhe e merituan fitoren, teksa spikati Rreshpja, me 32 pikë e 14 topa të zotëruar në tabelë.

Pa probleme fiton edhe Tirana, që mundi 80-37 Barleti Basket, sfidë që ishte pa shumë emocione. Për bardheblutë u dalluan Luca me 25 pikë dhe Tërshalla me 21 pikë. Falë 21 pikëve të Malës dhe 20 të Omerbashiçit, Partizani mposhti 96-63 Teutën, ndeshje e luajtur në kryeqytet.

Kategoria e Parë

Basketboll – Femra

Java e 14-të:

Barleti Basket – Tirana         37-80

Partizani – Teuta Basket     96-63

Vllaznia – Elbasani              80-27

Studenti – Flamurtari           43-51

Renditja

1. Flamurtari 27 pikë
2. Tirana 26 pikë
3. Partizani 25 pikë
4. Vllaznia 22 pikë
5. Teuta 19 pikë
6. Studenti 19 pikë
7. Elbasani 16 pikë
8. Barleti Basket 14 pikë