ASNN – Rikthehet Kategoria Superiore për femra, Vllaznia-Partizani, kryesfida e javës së 10-të. Kampionati Kombëtar i Futbollit për Femravdo të rikthehet këtë fundjavë me sfidat e javës së 10-të. Katër ndeshje do të zhvillohen të shtunën, ndërsa java e 10-të do të mbyllet të dielën me kryesfidën Vllaznia-Partizani. Sfida e parë e kësaj jave është Lushnja-Tirana. Takimi është planifikuar të nisë në orën 10:00.

Një ndeshje e lehtë në letër për vajzat bardheblu që synojnë të regjistrojnë triumfin e radhës. Duke nisur nga ora 11:00 do të zhvillohen dy ndeshje të tjera dhe  Apolonia pret në shtëpi ekipin e Gramshit. Fieraket do të kërkojnë fitoren për të mos humbur terren me kryesuesit, ndërsa Gramshi do të tentojë suprizën në këtë sfidë. Takimi tjetër që do të luhet duke nisur në të njëjtën orën është Teuta-Kinostudio.

Durrsaket që ndodhen në vendin e fundit do të tentojnë të marrin një rezultat pozitiv në shtëpi, ndërsa vajzat e Kinostudios do të synojnë triumfin e radhës në kampionat. Të shtunën do të luhet edhe një tjetër sfidë. Laçi do të përballet më Skënderbeun dhe ky takim është planifikuar të nisë në orën 13:00. Java e 10-të do të mbyllet të dielën me një supersfidë.

Kampionet në fuqi të Vllaznisë do të përballen me vajzat e Partizanit. Sfida do të nisë në orën 14:00 dhe të dyja ekipet kanë si synim vetëm fitoren.

Kampionati Kombëtar

Futboll – Femra

Java e 10-të:

Të shtunën, 17 shkurt 2024:

Lushnja – Tirana       ora 10:00

Apolonia – Gramshi ora 11:00

Teuta – Kinostudio   ora 11:00

Laçi – Skënderbeu   ora 14:00

Të dielën, 18 shkurt 2024:

Vllaznia – Partizani  ora 14:00