ASNN – Mbyllet java e 23-të, zhgënjejnë kryeqytetasit, Vllaznia bën mirë ndaj Teutës. Është luajtur në fundjavë java e 23-të e Kategorisë Superiore të Kampionatit Kombëtar të Futbollit, që ngriti siparin të shtunën me sfidën Egnatia-Laçi. Ndeshja që u zhvillua në stadiumin “Arena Egnatia” të Rrogozhinës, përfundoi në barazim pa gola 0-0.
Në orën 17:00 u luajtën edhe dy takime të tjera. Në Stadiumin “Niko Dovana” Dinamo regjistroi fitoren e 3-të radhazi në kampionat, pasi mundi Partizanin me rezultatin 2-1. Edhe Vllaznia arriti një triumf tepër të rëndësishëm pasi fitoi në “Loro Boriçi” ndaj Teutës me të njëjtat shifra.
Të dielën u zhvilluan edhe dy takimet e fundit të kësaj jave, të dyja duke nisur nga ora 17:00. Në Stadiumin “Arena Kombëtare” në kryeqytet, Tirana barazoi 1-1 me Erzenin, me Skerdi Bejzaden që debutoi me një fitore në stolin shijakas, ndërsa Skënderbeu fitoi në Korçë ndaj Kukësit me rezultatin minimal 1-0.
