ASNN – Ka nisur të shtunën faza e dytë e Kampionatit Kombëtar të Basketbollit për Femra. Flamurtari “kampion” fitoi pa probleme ndaj Barleti Basket me shifrat 87-33, ndeshje kjo e luajtur në kryeqytet. Një përballje kjo që ka rezultuar një “rrugë me një kalim”, pasi është mbizotëruar nga vlonjatet, ku u dallua Kirberg me 24 pikë.

Të njëjtin ritëm ndjek edhe Partizani, që fitoi 76-54 ndaj Vllaznisë në Shkodër. Skuadra të kuqeve të kryeqytetit e mbizotëroi ndeshjen, ku dallimin e bëri kolektiviteti. Për shkodranet u dallua Rreshpja me 32 pikë, por e vetme nuk mund të përballojë furinë e rivaleve nga kryeqyteti.

Në Durrës, ekipi i Tiranës fitoi 74-66 ndaj Teuta Basketit, në një ndeshje me rivalitet shumicën e kohës. Durrsaket u përpoqën të rivalizojnë, por gjithnjë ishin në ndjekje të bardhebluve. Për Tiranën u dallua Qosja me 25 pikë. Fitore të rëndësishme për zonën e “play-off”-it arriti Studenti, që në fushën e vet, fitoi 65-31 ndaj Elbasanit.

Në Pallatin e Sportit “Asllan Rusi”, takim u komandua nga vajzat kryeqytetase, që shënuan dyfishin e pikëve të mikeshave. Për Partizanin u dallua Spahiu, me 20 pikë e 10 topa në tabelë.

Kategoria e parë

Basketboll – Femra

Java e 11-të:

Teuta Basket – Tirana          66-74

Barleti Basket – Flamurtari  33-87

Studenti – Elbasani              65-31

Vllaznia – Partizani              54-76

Renditja:

Nr.       Skuadra                     Pikë

1. Flamurtari                  21
2. Tirana                         20
3. Partizani                    20
4. Vllaznia                     15
5. Studenti                     15
6. Teuta                          14
7. Elbasani                    13
8. Barleti Basket           11