ASNN – Federata Ndërkombëtare e Historisë dhe Statistikave në Futboll (IFFHS) ka publikuar renditjen me kampionatet më të forta të vitit 2023 ku përfshihen të gjitha kampionatet e futbollit në botë.
Dhe Kategoria Superiore e Kampionatit Kombëtar të Futbollit “Abissnet Superiore” renditet e 41-ta në klasifikimin e IFFHS-së për vitin 2023. Në renditje kampionati shqiptar ka përmirësuar 25 pozicione krahasuar me vitin 2022, teksa pozicioni aktual është më i miri në histori sipas IFFHS.
Kategoria Superiore ka 410,5 pikë në këtë renditje, ku përfshihen të gjitha kampionatet në të gjithë botën, duke lënë pas në renditje kampionatin slloven, sllovak, hungarez, suedez, rus apo amerikan.
