ASNN – Gjigandja franceze i propozon sulmuesi plot 100 milionë Euro në vit. Te gjigandja pariziene nuk e kanë ndërmend të dorëzohen për sulmuesin e përfaqësueses franceze, të cilin duan ta mbajnë me çdo kusht edhe pas përfundimit të këtij edicioni. Dhe, për ta rinovuar kontratën, pronarët arabë të Paris Sen Zhërmenit i kanë ofruar Mbapesë pagë vjetore prej 100 milionë Eurosh, si dhe bonuse të tjera vetëm për ta mbajtur në ekip.
Në fakt, te klubi kryeqytetas po përpiqen ta bindin 25-vjeçarin për ta rinovuar kontratën që i skadon në fund të këtij edicioni. Madje, prestigjioze franceze, “L’Equipe”, raporton të martën se Paris SG-ja i ka bërë ofertë të çmendur futbollistit për ta rinovuar kontratën. Zbulohet se ekipi francez i ka ofruar sulmuesit francez trefishin e pagës që raportohet t’i ketë ofruar Realit të Madridit, ekipi të cilit përflitet se do t’i bashkohet në verë.
Për ta rinovuar kontratën, pronarët arabë të klubit parizien i kanë ofruar Mbapesë pagë vjetore prej 100 milionë Eurosh, si dhe bonuse të tjera vetëm për ta mbajtur në ekip. Më herët është raportuar se kampioni i botës në 2018-ën dhe nënkampion në 2022-shin është kontaktuar nga Reali, ekip që i ka ofruar 30 milionë euro në vit. 25-vjeçari është pjesë e Parisit që prej vitit 2017, teksa erdhi nga Monako, ndërsa këtë edicion ka 26 gola në 25 paraqitje në të gjitha veprimtaritë dhe kontrata e tij skadon në verë.
