ASNN – Superliga e Kampionatit Kombëtar të Basketbollit për Meshkuj ka luajtur të shtunën ndeshjen e fundit të javës së 10-të të saj, që ishte edhe java e fundit e fazës së parë dhe Flamurtari nuk ka gabuar në fushën e vet, duke mundur 76-65 Apoloninë, në përballjen e dy skuadrave që ndajnë dy vendet e fundit të renditjes
Ky rezultat nuk ndryshon asgjë në renditje, pasi i lë të dyja skuadrat në të njëjtat pozita, me përkatësisht 12 dhe 10 pikë. Superliga i ka luajtur të premten dy ndeshjet e para të javës së 10-të të saj dhe Tirana dhe Vllaznia e kanë mbyllur në kushte të barabarta, me nga 19 pikë secila, pas 9 fitoresh dhe një humbjeje.
Bardheblutë e drejtuar nga trajneri Bujar Shehu kanë triumfuar jo pa lodhje në duelin me periferikët e Kamza Basket, me shifrat 85-75, ndërsa ka qenë më bindëse fitorja e Vllaznisë në Shkodër, ku ka mundur Partizanin me rezultatin 94-36. Partizani mban vendin e tretë me 16 pikë, ndërsa Kamza Basket atë të 4-tin, me dy pikë më pak.

Kampionati Kombëtar
i Basketbollit – Meshkuj

Superliga

Java e 10-të
(12-13 dhjetor 2014)

Të premten:
Kamza Basket – Tirana 75-85
Vllaznia – Partizani 94-63

Të shtunën:
Flamurtari – Apolonia 76-65

Renditja
Nr. Skuadra N. F. H. Psh-Pp Pikë
1. Tirana 10 9 1 878-663 19
2. Vllaznia 10 9 1 850-646 19
3. Partizani 10 6 4 671-677 16
4. Kamza Basket 10 4 6 722-651 14
5. Flamurtari 10 2 8 656-800 12
6. Apolonia 10 0 10 555-895 10