ASNN – Regjistrohen epidose dhune midis tifozëve të Zrinjskit të Mostarit rreth e rrotull stadiumit. Takimi i parë i turit të dytë eliminator të Ligës së Konferencës, i zhvilluar të martën në mbrëmje në Stadiumin “Arena Kombëtare” në kryeqytet, ka degjeneruar në përplasje midis tifozëve dhe policisë.
Në pamjet e siguruara nga RTSH Sport nga xhirime amatore shihen tifozët e skuadrës mike të Zrinjskit të konfrontohen fizikisht me forcat e ruajtjes së rendit në zonën përreth stadiumit, duke nisur nga skaji lindor i tribunave, atje ku ishin vendosur ata.
Ndonëse nuk ka ende një njoftim zyrtar, mësohet se një numër tifozësh të skuadrës kampione të Bosnjë-Hercegovinës, por që është me bazë etnike kroate, janë shoqëruar në komisariatin përkatës nga forcat e policisë.
