ASNN – Të dielën nis grumbullimi për kualifikueset e Botërorit, ja lista kuqezi. Kombëtarja shqiptare e futbollit të femrave do të rikthehet në fushë pas thuajse dy muajsh për të zhvilluar dy sfidat e radhës, atë ndaj ndaj Belgjikës dhe atë ndaj Armenisë, të vlefshme për Eliminatoret e Kampionatit Botëror “Australi-Zelandë e Re 2023”. Vajzat kuqezi që drejtohen nga trajneri Armir Grima do të nisin grumbullimin këtë të diel në kompleksin “Tropikal” në Durrës.
Në kuadër të këtyre dy ndeshjeve shumë të rëndësishme, trajneri kuqezi ka bërë publike ditën e premte listën me 21 futbollistet e grumbulluara për këto dy sfida. 14 lojtare janë pjesë e kampionatit shqiptar, ndërsa 7 prej tyre aktivizohen në Kosovë e në klube të ndryshme të kampionateve europiane. Sfida e parë e vajzave kuqezi do të jetë ndaj Belgjikës në Stadiumin “Elbasan Arena”, më 7 prill, teksa 5 ditë më vonë, skuadra do të luajë në fushën e Armenisë.
Kombëtarja e femrave renditet hëpërhë në vendin e 4-t në grupin F, pasi ka marrë dy fitore, njëra historike kundër Armenisë teksa e mundi me shifrat 5-0 dhe tjetra ndaj Kosovës në Prishtinë, një barazim me Kosovën në Stadiumin “Elbasan Arena” dhe 3 humbje me Norvegjinë, Poloninë dhe Belgjikën. Më poshtë edhe lista e 21 lojtareve të grumbulluara nga Armir Grima për këto dy ndeshje:
