ASNN – Janë mbyllur të shtunën takimet e javës së 14-të të Superligës së Kampionatit Kombëtar në volejboll për meshkuj. në volejboll për meshkuj. Kjo javë, që ka nisur të enjten me sfidën Tirana-Teuta, e fituar 3-0 nga bardheblutë, ka vijuar të premten me duelin e Shkodrës midis Vllaznisë dhe Farka Volejbolit, që është mbyllur gjithashtu në 3 sete në favor të vendasve, është mbyllur të shtunën me përballjet Skënderbeu-Studenti dhe Elbasani-Partizani.

Kjo e fundit është mbyllur me fitoren në 3 sete të të kuqve nga kryeqyteti. 25-18, 25-19 dhe 25-15 në favor të skuadrës së trajnerit Ylli Tomori ishin shifrat e seteve të ndeshjes së luajtur në fushën e Elbasanit. Falë këtij suksesi, të kuqtë ngjiten në vendin e dytë, duke përfituar nga fakti që Erzeni është pushim këtë javë. 3-0 ka fituar Skënderbeu, që mundi në Korçë rivalët e Studentit. Fitore e merituar e ekipit korçar në shifrat e seteve përkatësisht 25-17, 25-17 dhe 25-21, që përforcon pozitat në vendin e 4- të renditjes.

Teksa sezoni i rrjetës shqiptare ka  hyrë tashmë në fazën e një kalendari të ngjeshur, janë luajtur të enjten dhe të premten dy takimet e para të javës së 14-të të Superligës së Kampionatit Kombëtar në volejboll për meshkuj. Tirana vijon të kryesojë renditjen, pas triumfit 3-0 ndaj Teutës, ndeshje e luajtur në “Fahrie Hoti”, në atë ishte edhe një provë gjenerale për ndeshjen e kthimit të gjysmëfinaleve të Ligës “Gjergj Kastrioti” në volejboll për meshkuj.

Një sfidë e dominuar nga volejbollistët bardheblu, që i fituan me lehtësi të trija setet ndaj durrsakëve, përkatësisht 25-11, 25-18 dhe 25-15, duke e hedhur kështu vështrimin tek sfida e së shtunës me Pejës, me të cilën e kanë fituar takimin e parë, të luajtur në Kosovë, me shifrat 3-1. Ndërkaq, mban gjallë shpresat për një vend në “play-off”-in për titull edhe Vllaznia, që mundi 3-0 Farka Volejin (25-11, 25-8, 25-15) në Shkodër.

Kështu, pas 6 humbjesh radhazi, Vllaznia është rikthyer te fitorja në Superligën e volejbollit të meshkujve, sukses që i mungonte që prej 5 nëntorit. Kuqeblutë kanë mposhtur të premten në shtëpi Farka Volejin e vendit të fundit me rezultatin 3-0. Një fitore e pastër për shkodranët, të cilët u shfaqën mbizotërues në të 3 setet, duke i fituar ato përkatësisht në shifrat 25-11, 25-8 dhe 25-15, ndërsa skuadra e trajnerit Dritan Bardhi vijon të notojë në vendin e fundit të tabelës.

Kampionati Kombëtar

i Volejbollit – Meshkuj

Superliga

Java e 14-të

Të enjten, 24 shkurt 2022:

Tirana – Teuta                       3-0

Të premten, 25 shkurt 2022:

Vllaznia – Farka Volley        3-0

Të shtunën, 26 shkurt 2022:

Skënderbeu – Studenti       3-0

Elbasani – Partizani             0-3

Erzeni (pushim)

Renditja

Nr.       Skuadra                     Pikë    N.        F.         H.        Setet               Psh-Pp

1. TIRANA                     33        12        11          1        35-7                  996-757
2. PARTIZANI               31        12        10          2        33-6                  946-695
3. ERZENI                     30        12        10          2        32-11              1014-825
4. SKËNDERBEU        23        13          8          5        27-19              1020-901
5. ELBASANI                16        13          6          7        18-27                923-1022
6. VLLAZNIA                 13        12          4          8        17-25                928-951
7. TEUTA                       12        13          4          9        16-31                954-1100
8. STUDENTI                10        12          3          9        14-28                802-981
9. FARKA VOLEJ           0        13          0        13          1-39                647-998