ASNN – Mbyllen Lojërat Olimpike Dimërore, stafeta i kaloi Italisë Lojërat Olimpike Dimërore “Pekini 2022” kanë ulur siparin të dielën me një ceremoni madhështore janë mbyllur. Ceremonia mbyllëse është mbajtur të dielën në “Folenë e Zogjve”, siç njihet ndryshe Stadiumi Kombëtar i kryeqytetit të Kinës, Pekinit. Lojërat i ka shpallur të mbyllura presidenti i IOC-së, Tomas Bah. Ai i ka vlerësuar lojërat e Pekinit si shumë të suksesshme, ndonëse të mbajtura në kushtet e një epidemie golabele.
“Nëse duam që përfundimisht të kalojmë këtë epidemi globale, duhet të jemi më të shpejtë, të synojmë më lartë, të jemi më të fortë, – ka thënë ai, duke vijuar: “ Duhet të qëndrojmë të bashkuar. Në frymën e solidaritetit të kësaj olimpiade, thirrja jonë për komunitetin ndërkombëtar është: ofroni qasje të barabartë për vaksina për të gjithë njerëzit anembanë botës.” Ai ka shfrytëzuar fjalimin përmbyllës për të bërë thirrje për paqe në botë.
“Kjo forcë bashkuese e Lojërave Olimpike është më e fortë se forcat që duan të na ndajnë ne, – ka thënë gjermani. – Jepini paqes një mundësi. Udhëheqësit politikë nëpër botë le të inspirohen nga shembulli ynë i solidaritetit dhe paqes”, – ka përfunduar Bahu, para se të shpallte të mbyllura Lojërat, të cilat kanë ulur siparin me një spektakël fishekzjarrësh. Pjesë e “Pekini 2022” ishte edhe Shqipëria edhe Kosova. Vendi më i sukseseshëm ishte Norvegjia me 37 medalje, prej tyre 16 të arta.
Lojërat e ardhshme Olimpike Dimërore mbahen në Milano dhe Kortina d’Ampeco të Italisë prej 6 deri më 22 shkurt të vitit 2026.
