ASNN – NBA, fitojnë Gollden Stejt dhe Çikago Bulls, Këri nuk shkëlqen por skuadra e tij arrin rekord fitoresh. Paraqitja më e keqe e sezonit deri më për Stef Kërin, me vetëm 9 pikë, në fund të një mbrëmje për t’u harruar, kur nga 17 gjuajtje për 3 pikë ka realizuar vetëm 3 të tilla. Megjithatë, për të arritur fitoren, menduan shokët e tjerë të skuadrës së Gollden Stejt, për të mundur Majemi Hiit.
Në fushën e vet, Këri me shokë arrijnë të fitojnë 115-108 kundrejt Majemit. Pas kësaj fitoreje, Gollden Stejti ndodhet në vendin e parë në renditjen e Konferencës së Perëndimit, me një rekord të arritur në NBA, prej 29 fitoresh dhe 7 humbjesh. Fitore të vështirë ka arritur edhe Çikago Bulls, që ka mundur Orlando Mexhik, me shifrat 102-98.
Fitorja e 8-të radhazi e skuadrës së Bulls, që konsolidon pozicionin në renditjen e Konferencës së Lindjes. Në ndeshjet e tjera Portland-Atlanta u mbyll 136-131 dhe Miluoki-Detroit 106-115, kurse Filadelfia fiton me meritë, 133-113, kundër Hjuston Rokets. Ka ardhur edhe fitorja e 9-të radhazi në fushë të huaj për Jutah Xhez, që triumfoi 115-104 ndaj Nju Orlins.
Uashington fitoi 124-121 Sharlotës, Dallas ngadhënjeu 103-89 kundër Denverit, kurse Minesota mundi 122-104 Los Anxheles Klipërs.
