ASNN – Tirana përmbys Studentin dhe ruan kreun, Partizani “leksion” Vllaznisë. Të premten janë luajtur dy takimet e para të javës së 7-të të Superligës së Kampionatit Kombëtar të Volejbollit për Meshkuj, me Tiranën e Partizanin që fitojnë pa probleme dhe kryesojnë kampionatin.

Skuadra e Tiranës mbetet ende e pathyeshme këtë sezon, duke mundur 3-1 Studentin (21-25, 25-12, 25-10, 25-18). Studenti fitoi setin e parë 25-21, por vetëm kaq, sepse, më tej vjen përmbysja e skuadrës bardheblu, që ka epërsi në parket, mbizotëron në çdo drejtim dhe e meritoi fitoren, duke ruajtur kryesimin.

Në “Asllan Rusi”, ekipi i Partizanit triumfoi 3-0 ndaj Vllaznisë (25-18, 25-18, 25-21). Sikundër ka ndodh shpesh këtë sezon, skuadra mike nuk ishte në gjendje të ruante të njëjtin ritëm deri në fund, duke lëshuar terren me kalimin e minutave. Kjo e bëri më të lehtë fitoren e ekipit të “kuq”, që qëndron në vendin e dytë në renditje.

Kampionati Kombëtar

i Volejbollit – Meshkuj

Superliga

Java e 7-të

Të premten, 12 nëntor 2021:

Partizani – Vllaznia              3-0

Studenti – Tirana                  1-3

Të shtunën, 13 nëntor 2021:

Skënderbeu – Elbasani       (15:00)

Teuta – Erzeni                       (16:00)

Farka Volej                            (Pushim)

Renditja

Nr.       Skuadra         Pikë

1. Tirana             17
2. Partizani        16
3. Erzeni            12
4. Vllaznia           9
5.        Elbasani          8
6. Skënderbeu    7
7. Teuta                5
8. Studenti           4
9. Farka Volej      0