ASNN – Në takimin që ngre siparin e javës së 8-të të Kategorisë Superiore, Skuadra e Kukësit do të luajë të shtunën pasdite kundër Skëndërbeut në Korçë. Verilindorët vijnë në këtë ndeshje pas humbjes së papritur me Egnatian në përballjen e parë të turit të 16-shes së Kupës së Shqipërisë”, dhe trajneri Diego Longo, këmbëngul se Kukësi nuk është ai që humbi në mesjavë.
“Ne duam të tregojmë veten se nuk jemi ata të Kupës, jemi shumë të motivuar për këtë ndeshje, – ka thënë ai duke folur të premten për mediat para seancës në kampin stërvitor në periferi të Tiranës. – Çfarë ndodhi në Kupë? Nuk luajtëm si e përgatitëm ndeshjen, ndonjëherë ndodh. Më mirë që ndodhi tani, kemi 80% mundësi për të kaluar në çerekfinale.”
Më tej, italiani kujtoi se Skëndërbeu, pavarësisht pozicionit në tabelën e renditjes është një skuadër e fortë që të krijon probleme. “Janë shumë të organizuar në mbrojtje, Vllaznia nuk fitoi atje, e dimë si fitoi Dinamo, me një gabim të gjyqtarit. Ata luftojnë, i njohim dhe e dimë që janë ekip i rrezikshëm. Një barazim për ta do ishte fantastik, ne duam të fitojmë çdo ndeshje.”
“Po e bëjmë për veten dhe për të gjithë njerëzit në Kukës”, – ka shtuar trajneri i verilindorëve, i cili është pyetur edhe nëse në fundjavë tifoz me Dinamon, në derbin e saj Tiranën? “Nuk më intereson, jam vetëm tifoz i Kukësit, – është përgjigjur ai. – Është problem kalendari duke marrë parasysh aspektin fizik? Është për të gjithë skuadrat, nuk e kuptoj pse ka dy takime Kupa.”
“Të gjitha kolegët e mi nuk janë të lumtur. Edhe fushat janë problem, ndaj Egnatias së Rrogozhinës, fusha ishte skandaloze prandaj deri në një pikë të caktuar do ishte mirë që ndeshjet e Kupës së Shqipërisë të ishin me një takim”, – përfundoi trajneri i skuadrës së Kukësit, Diego Longo. Takimi Skënderbeu-Kukësi luhet të shtunën, duke nisur nga ora 16:45, në Stadiumin e Korçës.
