ASNN – Pasi janë mbyllur edhe 4 sfidat e luajtura të enjten pasdreke, të vlefshme për turin e 32-shes së Kupës së Shqipërisë, duke përcaktuar kështu edhe skuadrat që do të përballen në turin tjetër, atë të 16-shes. Kështu, Grupi A do të na rezervojë një super-përballje, siç është derbi tjetër i kryeqytetit Dinamo-Tirana.

Bardheblutë eliminuan bindshëm në turin e parë Shkumbinin, ndërsa Dinamo eliminoi Erzenin e Nevil Dedes, por vetëm pasi përmbysi humbjen minimale në ndeshjen e parë, duke fituar atë të kthimit 2-0. Sa u përket sfidave të tjera, ka një “deja vu”, pasi Partizani do të përballet me Besëlidhjen.

Teuta ndeshet me Korabin, ndërsa Skënderbeu ka peshkuar Bylisin. Në Grupin B, Vllaznia do të përballet me Pogradecin, Laçi me Tomorin, Flamurtari me Kastriotin ndërsa Egnatia-Kukësi do të jetë e vetmja përballje me aromë Superioreje pas derbit.

Kupa e Shqipërisë

Turi i 16-shes:

GRUPI A

Dinamo – Tirana

Besëlidhja – Partizani

Korabi – Teuta

Bylis – Skënderbeu

GRUPI B

Pogradeci – Vllaznia

Laçi – Tomori

Flamurtari – Kastrioti

Egnatia e Rrogozhinës – Kukësi