ASNN – Do të nisë të hënën kampionati i futbollit “FSHF Sunday League Albania”, me ndeshjet e javës së parë në Grupin A dhe B në zonën e Tiranës. Në këtë edicion të tretë të kampionatit 9 X 9 në Tiranë do të marrin pjesë 35 skuadra, të ndara në grupet A dhe B, ku njëri grup do të ketë në përbërjen e tij 18 skuadra ndërsa grupi tjetër do të përbëhet nga 17 skuadra. Bëhet fjalë për një kampionat të futbollit amator, teksa mosha minimale e lejuar është 20 vjeç.

Skuadrat do të përballen me njëra-tjetrën në fazën e grupeve me sfidë teke, ndërsa më pas do të zhvillohet edhe faza e “play-off”-it me eliminim direkt. “FSHF Sunday League Albania” ka tërhequr mjaft interes kohët e fundit, duke bërë që të ketë kërkesa të shumta për pjesëmarrje dhe duke rritur ndjeshëm numrin e futbollistëve dhe skuadrave. Fillimisht do të nisë sezoni me zonën e Tiranës, ku të hënën do të luhen 9 ndeshje në Grupin A dhe 8 ndeshje në Grupin B.

Dhe në vazhdim ky kampionat do të zgjerohet edhe në zona të tjera të Shqipërisë. Gjithashtu, këtë edicion do të zhvillohet sërish “FSHF Cup” me pjesëmarrjen e skuadrave që marrin pjesë në ligën amatore të futbollit e ku sfidat do të luhen me eliminim direkt. Më poshtë edhe ndeshjet e javës së parë të “FSHF Sunday League Albania”.

GRUPI A

Java 1

(27.09.2021)

ROAMEL – LEV TECH

Futura Dent – JU AR PLAST

NOVA – MILAN MFC

Al Ar – CARTER

PRIMO MFC – ECO EMPIRE

RAIFFEISEN BANK – DIGI PRINT FC

FC Dussel – Barrikada

Enco Al – ELSO

HOMELAND PATRIOTS – FB PASSION

GRUPI B

Java 1

(27.09.2021)

Pastaria – ROYALS

PRESTIGE MFC TEAM – TIRONA REPUBLIC

SECURITY OKTAPUS – FORZA 1

Friends Team – DAJTI

MD – COCA COLA TEPELENA

FC Confucius – JATA MARKET

VILA L – DOMOSDOVA MFC

ENTERPRISE MFC – ATS