ASNN – Luhen takimet e para të turit të 32-shes, ky edicion zhvillohet me sistem vajtje-ardhje. Veprimtaria e dytë e futbollit në vend, Kupa e Shqipërisë, nis të mërkurën rrugëtimin e sezonit të ri të saj, me zhvillimin e ndeshjeve të para të turit të 32-shes. Në fakt, më herët janë luajtur edhe dy takimet e turit paraeliminator, teksa Labëria ka mundur në shtëpi 3-0 Devollin, kurse Luzi 2008 ka fituar në Librazhd, 1-2 ndaj Sopotit vendas, dhe të dyja skuadrat kanë fituar vendin në turin tjetër.

Dhe turi i 32-shes, ndryshe nga sezoni i shkuar, ku, për shkak të epidemisë së virusit “Covid-19”, duelet u zhvilluan me një përballje të vetme, këtë sezon do të zhvillohen me sistem vajtje-ardhje. Midis çifteve të këtij turi, spikatin duelet midis skuadrave të Kategorisë së Parë, teksa ato të Kategorisë Superiore janë favorizuar nga shorti. Fituesja në fuqi e këtij trofeu, Vllaznia, do të përballet me Labërinë, ndërsa kampionia në fuqi, Teuta, sfidohet në derbin rajonal nga Luzi 2008.

Nga skuadrat tjera të Superiores, Kastrioti përballet me Elbasanin, Egnatia e Rrogozhinës me Turbinën e Cërrikut, Kukësi ndeshet me Maliqin, Laçi me Butrintin dhe Dinamo me Erzenin e Shijakut. Finalistja e mundur e sezonit të shkuar, Skënderbeu, përballet me Veleçikun e Koplikut, Partizani me Tërbunin e Pukës, kurse Tirana ndeshet me Shkumbinin e Peqinit.

Ndërkaq, midis çifteve të tjera spikatin duelet Besëlidhja e Lezhës-Burreli, Vora-Korabi i Peshkopisë, Flamurtari-Apolonia, Lushnja-Tomori i Beratit dhe Besa e Kavajës-Pogradeci. Të gjitha takimet e para, që zhvillohen të mërkurën, duke nisur nga ora 16:00, ndërsa ndeshjet e kthimit luhen të enjten e 14 tetorit 2021.

Kupa e Shqipërisë

Turi i 32-shes:

Të mërkurën, 22 shtator 2021:

Tërbuni Pukë – Partizani Tirana                (16:00)

Shkumbini Peqin – Tirana                          (16:00)

Veleçiku Koplik – Skënderbeu                   (16:00)

Oriku – Bylis                                                  (16:00)

Erzeni Shijak – Dinamo                               (16:00)

Besëlidhja Lezhë – Burreli                          (16:00)

Vora – Korabi Peshkopi                               (16:00)

Butrinti Sarandë – Laçi                                (16:00)

Maliqi – Kukësi                                              (16:00)

Elbasani – Kastrioti                                      (16:00)

Flamurtari – Apolonia                                  (16:00)

Turbina Cërrik – Egnatia Rrogozhinë       (16:00)

Lushnja – Tomori Berat                               (16:00)

Besa Kavajë – Pogradeci                            (16:00)

Luzi 2008 – Teuta                                         (16:00)

Labëria – Vllaznia                                         (16:00)

Shënim:         Ndeshjet në vijim zhvillohen me sistem vajtje-ardhje.

Ndeshjet e kthimit luhen të enjten e 14 tetorit 2021