ASNN – I dyti shoku i tij i skuadrës, Lando Norris, Verstapen dhe Hemilton përplasen dhe tërhiqen. Gara e 14-ta e kalendarit të këtij sezoni të Botërorit të Formulës 1, ajo e Çmimit të Madh të Monzës, ka qenë rezultuar një garë mjaft dramatike. Dhe kjo jo vetëm për përbërjen e podiumit, që ka qenë e papritur, por edhe për fakti që dy rivalët për titull, Maks Verstapen dhe Ljuis Hemilton, u përfshinë në një aksident të frikshëm, që i nxorri të dy jashtë në xhiron e 25-të.
Ka qenë një garë dramatike ajo e Çmimit të Madh të Monzës, teksa jo vetëm që përbërja e podiumit ka qenë e papritur, por edhe fakti që dy rivalët për titull, Maks Verstapen dhe Ljuis Hemilton, u përfshinë në një aksident të frikshëm, që i nxorri të dy jashtë në xhiron e 25-të. Kjo garë, që ishte e 14-ta e kalendarit të këtij sezoni të Botërorit të Formulës 1, ka qenë e dyta, pas Silverstounit, që nisjen e së dielës e pati përcaktuar nëpërmjet eksperimentit të garës së sprintit, që në fakt është një version i shkurtuar i vetë garës së madhe.
Sprintin e fitoi Valteri Botasi të shtunën, por kjo fitore e sprintit i ka vlejtur vetëm 3 pikë më tepër, sepse të dielën ai është nisur nga fundit, për shkak të ndërhyrjeve të shumta që skuadra ka bërë në makinën e tij. Dhe nisja e garës së Monzës ka qenë mbresëlënëse, teksa Daniel Riçiardo la pas Maks Verstapenin e nisur nga vendi i parë, ndërsa në kthesat e para të xhiros së parë, vijoi një betejë e ethshme midis holandezit të “Red Bull”-it dhe britanikut të “Mercedes”-it.
Por ky i fundit që u detyruar të sistemohej në vendin e 4-t, pas makinës tjetër “MekLaren”, të Lando Norrisit. Por përplasja midis dy rivalëve do të arrinte kulmin 24 xhiro më pas, kur dalja në pistë pas ndërrimit të gomave, e solli Verstapenin “rrotë më rrotë” me Hemiltonin, dhe asnjëri nuk hapi rrugë dhe makina e holandezit përfundoi mbi atë të britanikut, që u mbrojt nga “Hejlo”-ja, harku i shumëdiskutuar mbi kokën e pilotit, që në këtë rast e shpëtoi britanikun.
Të dy dolën nga gara, e cila më pas foli vetëm për “MekLareni”-n, që mori dy vendet e para me Daniel Riçiardon dhe Lando Norrisin, ndërsa Valter Botas kurorëzoi një marshim të pabesueshëm nga vendi i fundit në podium, duke marrë vendin e 3-të. Sikundër kualifikueset e së premtes dhe gara sprint e së shtunës, edhe gara e madhe e së dielës, erdhi për sportdashësit drejtpërdrejt në Rrjetin e Radio-Televizionit Shqiptar.
