ASNN – Për femra përballë Turqisë, Sllovenisë e Polonisë, për meshkuj ndaj Rumanisë e Luksemburgut. Kështu, Shqipëria në basketboll për femra e për meshkuj tanimë është gati për Eliminatoret e radhës të Kampionatit Evropian të koshit të të rriturve. Për femra bëhet fjalë për Eliminatoret e Kampionatit Evropian të 2023-shit, kurse për meshkuj për Paraeliminatoret e Kampionatit Evropian të 2025-ës.
Vajzat do të jenë në grupin D, atje ku përballë do të kenë Turqinë, Poloninë dhe Slloveninë. Kurse meshkujt në grupin B, ku do të sfidojnë Rumaninë dhe Luksemburgun. Për femra ndeshjet e para luhen në periudhën 11-14 nëntor 2021, kurse për meshkuj, në periudhën 25-28 nëntor 2021.
Të gjitha do të jenë me ndeshje vajtje-ardhje, ndërsa shpresohet në një paraqitje dinjitoze, të paktën për meshkuj duke menduar që mund të kapet një kundërshtar si Luksemburgu. Sidoqoftë, tanimë njihen kundërshtarët dhe Shqipëria e koshit për të rritur e të rritura do të mund të bëjë më të mirën e saj.
