ASNN – Zbret në fushë edhe veprimtaria e 3-të e klubeve të kontinentit në futboll. Veprimtaria e 3-të e klubeve të kontinentit në futboll, Liga e Konferencës luan sonte ndeshjet e kthimit të fazës së “play-off”-eve dhe në fushë zbresin 24 çiftet e fundit që shpresojnë për një vend në fazën e grupeve.
Siç dihet, dy skuadrat shqiptare që kishin mbetur në konkurrim në këtë veprimtari, Laçi dhe Teuta, u eliminuan në turin e 3-të, pa arritur deri në “play-off”-e. Kështu, Anderlehti, gjigandja belge që eliminoi kurbinasit, do të përballet sonte me holandezët e Viteses së Arnhemit.
Ndërkaq, skuadra tjetër, ajo e Shamrok Rovers, që eliminoi durrsakët, do të përballë me estonezët e Florës së Talinit. Midis çifteve të tjera të këtij turi, që luhen sonte duke nisur nga ora 18 e mbyllen në mesnatë në Portugali, spikat dueli i Karabagut me Aberdenin, por edhe ai i Viktorias së Plzenjit me CSKA-në e Sofia.
Bodo/Glimti, skuadra norvegjeze që eliminoi Prishtinën, do të përballet me Zalgirisin e Vilniusit, kurse Trabzonspori sfidon Romën, ndërsa Totenhemi ndeshet me portugezët Paços de Ferreirën.
