ASNN – Agjenti i egjiptianit, mesazh klubeve: “Shikoni se çfarë bën ai”. “Shpresoj se po e shikoni”, – ka thënë agjenti i Mohamed Salah, Abas Isa, pas golit të realizuar nga egjiptiani në ndeshjen që Liverpuli luajti këtë fundjavë me Noruiç Sitin. Sipas shtypit anglez, objektivi i kësaj fjalie është edhe njëherë fakti se futbollisti i Liverpulit vlen ende dhe është një nga më të përfolurit në merkato.

Dhe largimi i tij nga kjo skuadër flitet prej muajsh. Futbollisti egjiptian, i cili ka ende dy vjet në kontratën e tij aktuale, shënoi një gol për të siguruar fitoren 3-0 të Liverpulit në nisjen e Premier Ligës Angleze. Ky gol dhe mesazhi i agjentit të tij, tregon për vlerat që ka ende Salah, duke ia bërë të qartë jo vetëm drejtuesve të klubit aktual por edhe atyre që kanë qenë të interesuar për të.

Ai është futbollisti që fiton më shumë para nga klubi me 200,000 stërlina ose 234,000 euro në javë, por ai ende nuk ka rënë dakord për rinovimin e kontratës dhe Çellsi është shumë pranë arritjes së marrëveshjes me egjiptianin, për një rikthim tek “blutë” e Londrës.