ASNN – Tashmë është një realitet. Lionel Mesi është futbollist i PSG-së. Argjentinasi ka nënshkruar një kontratë 2-vjeçare me klubin parizien. Tani ai do të kryejë vizitat mjekësore dhe të mërkurën do të bëhet prezantimi i tij në stadiumin “Parc des Princes”. Lionel Mesi është një lojtar i PSG. Pasi ka kaluar çështjet e fundit mbi të drejtat e imazhit dhe angazhimet e tij kundrejt Barcelonës, fenomeni argjentinas ka mbërritur në Paris për t’iu nështruar vizitave mjekësore dhe më pas të firmosë kontratën 2-vjeçare, me opsion edhe një vit tjetër me klubin francez.
Tifozët e PSG-së janë në delir për ardhjen e futbollistit argjentinas në skuadër. Të mërkurën në orën 11.00 është parashikuar prezantimi i Mesit në Stadiumin “Parc des Princes”. Menjëherë pas arritjes së marrëveshjes, Mesi menëherë është nisur në aeroportin e Barcelonës për të fluturuar drejt Parisit. Babai i tij, Horhe, u është përgjigjur pyetjeve të gazetarëve të pranishëm në aeroport. “Kush është fajtori për largimin e Leos nga Barcelona” – ka qenë pyetje a tyre. “Pyesni klubin”, – është përgjigjur babai i futbollistit argjentinas.
Sapo ka mbërritur në Paris, Messi është paraqitur para tifozëve me një fanellë të bardhë ku shkruhej “Këtu është Parisi”. Ai i ka përshëndetur ata nga një dritare e aeroportit. Ndërsa Nejmar i ka uruar mirëseardhjen argjentinasit me fjalinë “Sërish së bashku”. Braziliani i Paris SG-së ka publikuar në rrjetet sociale edhe disa foto me Mesin kur kanë qenë bashkë te Barcelona. Ndërkohë që nga Barcelona nuk ka asnjë deklaratë.
